साहित्यकार केसीद्धारा एकल रचना वाचन

साहित्यकार केसीद्धारा एकल रचना वाचन

दाङ, कार्तिक १२ । दाङको भूगोलमा जन्मेर अमरिकाको भूगोललाई कर्मभूमि बनाएका खिम केसीले शुक्रवार आफनै जन्मभूमिमा उभिएर दजर्न रचना वाचन गरेका छन् । राप्ती साहित्य परिषद् दाङ शाखाले उनको लागि आयोजना गरेको ६८र्औ एकल वाचन कार्यक्रममा स्रष्टा केसीले नेपाली, अंग्रेजी र थारू भाषामा कविता र गजल प्रस्तुत गरेका थिए ।

नियात्राबाट साहित्य लेखन थालेका केसीले पछिल्लो चरणमा कविता, गीत र गजलमा संक्रिय छन् । विशेष गरेर गजल विधामा उनको बढी लगाव छ । कविताबाट एकल वाचन सुरु गरेका केसीले आधा दर्जन बढी रचना वाचन गरेका थिए । उनले लेखेको थारू भाषाको ‘बठिनिया’ र अंग्रेजी भाषाको ‘व्यूटी’ कविता समेत प्रस्तुत गरिएको थियो ।

उनले लेखेको थारू भाषाको कवितामा साहित्यकार केवी चौधरीले र अंग्रेजी भाषामा लेखेको कविता बिमल भण्डालीले वाचन गरेका थिए । पात्र कविताबाट वाचन सुरु गरेका केसीले प्रेमिल कविताको रूपमा प्रतिविम्बित ‘बठिनिया’ कविता यस्तो छ :

आझ ‘अचानक’ काहाँसे टुँहार

बहुट याद आइल

कसम कुछु ठाहाँ नै हो

माघक् डिन गुरी–गुरी जाँर

अन्डिक रोटी ओ पुवा

डोनी भर–भर

मेरमेह्रिक ‘परिकार’

मच्छी, घोङ्घी, बक्का ओ ढिक्री

बहुट याद आइल ऐ बठिनिया ।

त्यो कविताले शान्त बनेको दर्शक दीर्घालाई समेत उत्साहित बनाएको थियो । यसैगरेर कार्यक्रममा उनले यस्तो गजल समेत वाचन गरेका थिए :

रातीमा घाम खोजेर कहाँ पाउँछौ ?

सुतेर दाम खोजेर कहाँ पाउँछौ ?

खेतीपाती सबै बाँझै राखेर बसेपछि,

घरमा माम खोजेर कहाँ पाउँछौ ?

राप्ती साहित्य परिषद दाङका अध्यक्ष दीपक शर्मा समीरको अध्यक्षता एवं वरिष्ठ साहित्यकार गिरिराज शर्माको प्रमुख आतिथ्यतामा कार्यक्रम भएको थियो । कार्यक्रममा समालोचक डा अमर गिरी, नारायण नेपाल, पुरूषोत्तम खनाललगायतका साहित्यकारहरूको सहभागिता थियो । परिषद्का सहसविच प्रवल विष्टको स्वागत मन्तव्यबाट सुरु भएको कार्यक्रमको सहजीकरण सचिव प्रकाश केसीले गरेका थिए ।

धिरज अधिकारीकाे कविता - हामी यहाँ छाै

धिरज अधिकारीकाे कविता - हामी यहाँ छाै

 



ए मेरा देशबाशी हामी यहा छौ जहाँ छैन हामीलाई सुरक्षाको चिन्ता साना बच्चा देखी बुद्धलाई गार्हो भयो बाच्न मैले सोधे मेरा देशबाशीलाई हामी कहा छौ ए मेरा देशबाशी हामी यहा छौ जहाँ छैन हामीलाई स्वास्थ्यको चिन्ता चिकित्सक नै उपचार सैली फेरीदेउ भन्छन मैले सोधे मेरा देशबासीलाई हामी कहा छौ ए मेरा देशबाशी हामी यहा छौ जहाँ छैन शिक्षाको मतलब कसैलाई नेपालीहरू आफ्नो ज्ञान बिदेशलाई दिदैछन मैले सोधे मेरा देशबाशीलाई हामी कहा छौ ए मेरा देशबाशी हामी यहा छौ जहाँ छैन शान्ति संग बाच्ने बाटो के भयो नेपालीलाई न्याय र शान्ति खोजेको खोई मैले सोधे मेरा देशबाशीलाई हामी कहा छौ ए मेरा देशबाशी हामी यहा छौ अब त अति भयो आऊँ संगै देश बनाऊँ हाम्रो मात्र हैन आउने दिनको लागी भनि केही गरौ मैले सोधे मेरा देशबाशीलाई हामी कहा छौ 🖋️ धिरज अधिकारी दाङ , नेपाल ! हाल - अस्टीन , टेक्सास !