दाङमा आज ८१ जना कोरोना संक्रमित थपिए, ४ सय ८ जना सकृय बिरामी

दाङमा आज ८१ जना कोरोना संक्रमित थपिए, ४ सय ८ जना सकृय बिरामी

दाङ, बैशाख १२ । दाङमा आज थप ८१ जनामा कोरोना भाइरसको संक्रमण पुष्टि भएको छ । राप्ती स्वास्थ्य बिज्ञान प्रतिष्ठानमा गरिएको पिसिआर परिक्षण गर्दा ८१ जनामा कोरोना भाइरसको संक्रमण पुष्टि भएको हो ।

राप्ती स्वास्थ्य बिज्ञान प्रतिष्ठानमा १ सय ६१ जनाको स्वाब परिक्षण गर्दा ८१ जनामा संक्रमण देखिएको हो । जस अनुसार तुलसीपुरका ३६ जना, घोराहीका ३१, बबईका ४ जनामा संक्रमण देखिएको छ । यस्तै शान्तिरनगरका ३, लमही र राप्ति गाउपालिकाका २÷२ जनामा, घोराही र दंगिशरणका १÷१ रहेका छन् ।

आज संक्रमण देखिएका मध्ये ५१ जना पुरुष र ३० जना महिला रहेको जिल्ला आपतकालिन कार्य सञ्चालन केन्द्रले जनाएको छ । यस्तै आज दाङका ३३ जना संक्रमण मुक्त भएका छन् ।

दाङमा अहिले ४ सय ८ जना सकृय संक्रमित रहेका छन् । ति मध्य जिल्लामै ३ सय ४१ जना र जिल्ला बाहिर ६१ जना सकृय बिरामीको उपचार भैरहेको जिल्ला आपतकालिन कार्य सञ्चालन केन्द्रले जनाएको छ ।

कोरोना अस्पताल बेलझुण्डीमा ४१ जना र राप्ती स्वास्थ्य बिज्ञान प्रतिष्ठानमा १६ जना बिरामीको अहिले उपचार भैरहेको छ । संक्रमित मध्य दुई सय ८४ जना बिरामीहरु घरकै आइसोलेशनमा बसेका छन् ।

 

चौबीस घण्टामा नेपालमा २८ सङ्क्रमितको मृत्यु

चौबीस घण्टामा नेपालमा २८ सङ्क्रमितको मृत्यु

 

काठमाडौं, वैशाख १२ । नेपालमा पछिल्लो चौबीस घण्टामा कोरोनाभाइरसका २८ जना सङ्क्रमितको मृत्युको पुष्टि भएको छ । स्वास्थ्य तथा जनसंख्या मन्त्रालयले कोभिड १९ बिवरण अद्यावधिक गर्दै पछिल्लो चौबीस घण्टामा २८ जना सङ्क्रमितको मृत्युको पुष्टि भएको जनाएको छ ।

मन्त्रालयले कोभिड १९ सम्बन्धी विवरण अद्यावधिक गर्दै थपिएका मृतकसँगै नेपालमा कोरोनाभाइरसबाट कुल तीन हजार १६४ जनाको मृत्यु भएको जनाएको छ। चौबीस घण्टामा मात्रै १६ जना सङ्क्रमितको मृत्यु भएको छ ।

त्यस्तै स्वास्थ्य तथा जनसंख्या मन्त्रालयले यही गतिमा कोरोना भाइरसका संक्रमित थपिँदै गए केही दिनमा अस्पतालहरूमा बिरामी राख्ने ठाउँसम्म नहुने बताएको छ।

मन्त्रालयका सहप्रवक्ता डाक्टर समिरकुमार अधिकारीले आइतबार विज्ञप्ति जारी गर्दै संक्रमणको चक्रलाई रोक्न नसके अस्पतालहरूमा बिरामी भरिभराउन हुने उल्लेख गरेका हुन्।

‘संक्रमण रोकथामको लागि नेपाल सरकारले तोकेका मापदण्ड निर्विकल्प उपाय हुन्। संक्रमणको चक्रलाई रोक्न सकिएन र यही गतिमा फैंलदै गएमा केही दिनमै अस्पतालमा बिरामी राख्ने ठाउँसम्म हुने छैन,’ उनले भनेका छन्, ‘त्यसैले व्यक्ति व्यक्तिले निर्वाह गर्न सक्ने भूमिकाबाट कसैलाई पनि विचलिन हुन नदिऔं, खबरदारी गरौं।’

उनले मास्क लगाउने र भौतिक दूरी कायम गर्न पनि आग्रह गरेका छन्।

कोरोनाबारे बालुवाटारमा ब्रिफिङ : आदेश नमाने लकडाउन !

कोरोनाबारे बालुवाटारमा ब्रिफिङ : आदेश नमाने लकडाउन !

 

काठमाडाैं, वैशाख १२ । भीडभाडका साथ धरहराको उद्घाटन गरेपछि बालुवाटार फर्केका प्रधानमन्त्री केपी शर्मा ओली शनिबार अपरान्ह कोरानाको जोखिम कसरी नियन्त्रण गर्ने भन्ने उपायको खोजीमा लागे । बालुवाटारमा उपप्रधानमन्त्री ईश्वर पोखरेलसहित ८ मन्त्री, १२ जना सचिव, सुरक्षा अंगका प्रमुखहरु र अन्य केही कर्मचारीको संलग्नतामा एउटा महत्वपूर्ण बैठक बस्यो । बैठक कोरोनाको बढ्दो जोखिमबारे प्रधानमन्त्रीसमक्ष ब्रिफिङका लागि आयोजना गरिएको थियो ।

बैठकमा कोभिड १९ संकट व्यवस्थापन केन्द्र (सीसीएमसी) को निर्देशक समितिमा आवद्ध मन्त्री तथा सचिवहरूको सहभागिता थियो । त्यहाँ कोरोनाको जोखिम, यसमा भइरहेका प्रयासहरु, सरकारले भोगिरहनुपरेका समस्याबारे कर्मचारीका तर्फबाट प्रस्तुती गरिएको थियो ।

त्यस्तै इपिडिमियोलोजी तथा रोग नियन्त्रण महाशाखा (इडीसीडी) का अधिकारीहरुले पनि प्रस्तुती गरेका थिए ।

आदेश पालना नभए लकडाउन !

स्रोतका अनुसार शनिबारको ब्रिफिङमा सहभागी सबैको साझा निष्कर्ष के थियो– सरकारले बैशाख ६ गते जारी गरेको आदेश कतैबाट पनि पालना भएन । कलेजका विद्यार्थीहरु पनि सडकमा देखिए । सार्वजनिक यातायात र फुटपाथको भीडभाड पनि उस्तै देखियो । कार्यालयहरूमा कर्मचारी घटेका छैनन्, जात्रा र कार्यक्रमहरुमा भीडभाड देखियो । सिमानामा होल्डिङ सेन्टरहरु बनाउने भने पनि आवतजावत अनियन्त्रित रह्यो । अस्पतालहरुमा बेड र स्वास्थ्य सामग्रीको अभाव हुन थालिसक्यो । सबैतिर लठिभद्र स्थित देखियो ।

यसरी सरकारी आदेश र निर्णयको कार्यान्वयन नभएको अवस्थामा जोखिम बढ्न सक्ने भन्दै यस्तो अवस्थामा यातायातमा जोरबिजोर प्रणाली लागू गर्ने र कार्यकालमा आधा कर्मचारीमात्र राख्ने प्रावधानमा जानुपर्ने हुन सक्ने सरकारी कर्मचारीले प्रधानमन्त्री र मन्त्रीहरुलाई सुझाएको स्रोतले बतायो ।

बैठकमा सहभागी एक कर्मचारीका अनुसार शनिबार बालुवाटारमा ब्रिफिङ मात्रै भएको हो, त्यहाँ कुनै निर्णय भएको छैन । लकडाउन गर्नुपर्ने हुन सक्छ भन्ने निष्कर्ष निस्किए पनि त्यसबारे कुनै निर्णय भएको छैन ।

ती कर्मचारीले रातोपाटीसँग भने, ‘सरकारले जारी गरेको आदेश पालना भएन भने त लकडाउनमा जानुपर्ने हुन सक्छ, तर अहिले भीडभाड घटाएर चेन ब्रेक गर्नुपर्छ भन्नेमै स्वास्थ्य मन्त्रालय र अर्थ मन्त्रालयको जोड छ ।’

बाँकेमा थप एक महिलाको कोरोनाबाट मृत्‍यु

बाँकेमा थप एक महिलाको कोरोनाबाट मृत्‍यु

 

बाँके, वैशाख १२ । नेपालगञ्जको भेरी अस्पतालमा थप एकजना कोरोना संक्रमितको मृत्यु भएको छ ।

बाँकेको खजुरा गाउँपालिका-२ की ७२ वर्षीय महिलाको उपचारका क्रममा शनिबार अपरान्ह सवा ४ बजेतिर मृत्यु भएको भेरी अस्पतालले जनाएको छ ।

वैशाख ७ गते कोरोना संक्रमण भएर होम आइसोलेसनमा बसिरहेकी ती वृद्धालाई शुक्रबार अस्पतालमा भर्ना गरिएको थियो । योसँगै बाँके जिल्लामा कोरोना संक्रमणका कारण मृत्यु हुनेको संख्या ७८ पुगेको छ ।

प्रधानमन्त्रीले गरे पुनर्निर्मित धरहराको उद्घाटन

प्रधानमन्त्रीले गरे पुनर्निर्मित धरहराको उद्घाटन

 

काठमाडौं, वैशाख ११ । प्रधानमन्त्री केपी शर्मा ओलीले पुनर्निर्मित धरहराको उद्घाटन गरेका छन् ।

वि.सं. २०७२ सालमा गएको गोरखा भूकम्पले ढलेको धरहराको पुनर्निर्माण ६ बर्षपछि भएको हो । संरचनागत काम नसकिए पनि प्रधानमन्त्री ओलीले लोकतन्त्र दिवसको अवसरमा आज धरहराको उद्घाट्न गरेका हुन् ।

धरहरा बाहिरबाट हेर्दा ११ तलाको देखिए पनि भित्र जमिनमुनि दुई तलाको भूमिगत संरचना रहने छ । जमिनमाथि भुइँतल्लासहित २३ तला हुनेछ । धरहरासहित यस क्षेत्रमा निर्माण हुने संरचनाको कूल लागत रु तीन अर्ब ४८ करोड रहेको जानकारी पनि उनले दिए ।

जमिनमाथिबाट गजुरसहित धरहराको उचाइ ८३.८५ मिटर छ । भूमिगत तलासहित ९२.२५ मिटर हुन्छ । धरहराभित्र दुई लिफ्ट राखिएको छ ।

लिफ्टमा एक पटकमा १० जनाले यात्रा गर्न सक्ने छन् । लिफ्टका कारण वृद्धवृद्धा तथा अपाङ्गता भएकालाई धरहरा चढ्न सहज हुनेछ । धरहरामा फलामको भ¥याङसमेत जडान गरिएको छ ।

धरहराबाट उपत्यकाको दृश्यावलोकनका लागि २०औँ तला बाहिर २।५ मिटर चौडाइको बार्दलीसमेत बनाइएको छ । बाइसौँ तलामा पुरानो धरहराबाट झिकी सुरक्षित राखिएको शिवलिङ्ग स्थापना गरिएको छ ।

धरहरामुनिको दुईतले भूमिगत संरचनामा दुईवटा ‘विद्युतीय स्वचालित भ-याङ’ बाट तलमाथि गर्न सकिने गरी संरचना तयार पारिएको छ ।

फौजी कीराको प्रकोपबाट मकै बालीलाई कसरी बचाउने ? यस्ता उपाय अपनाउनुहोस्

फौजी कीराको प्रकोपबाट मकै बालीलाई कसरी बचाउने ? यस्ता उपाय अपनाउनुहोस्


काठमाडाैं ।  पछिल्लो बर्षमा नेपालमा पौजी कीराको प्रकोप निकै बढ्दै गएको छ ।  यसले अन्नबालीमा व्यापक रूपमा नोक्सानी पुर्याउँछ । यो पुतली समुहअन्तर्गत एक प्रकारको रात्रीचर कीरा हो ।

यसले मकै, धान, गहुँ, उखुबाली, कोदो, जुनेलो, भटमास, आलुखेती तथा घाँसेबालीहरूमा क्षति पुर्याउने यस किराले मूख्यगरी मकै मन पराउँछ ।

मकैमा यस वर्ष पनि पहिलाका वर्षहरूमा जस्तै अमेरिकी फौजी किराले समस्या बनाउँछ सक्छ, बेलैमा सचेत बनौं । मकैलाई फौजी कीराबाट बचाउन यस्तो तरिकाहरू अपनाउनुहोस् :

मकै रोप्नुअघि गहिरो गरेर खनजोत गर्ने,

घोगा राम्रोसँग खोस्टाले छोपिने जातको मकै लगाउने,

बर्खे मकै सकेसम्म ढिलो नगरी समयमै रोप्ने तथा निश्चित ठाउँमा सबैले एकै समयमा अर्थात् एक हप्ताभित्र रोप्ने,

मकैमा कोसेबाली अन्तरबालीको रूपमा लगाउँदा कीराको प्रकोप कम गर्न सकिन्छ,

डेस्मोडिअम घाँस यो कीरालाई मन नपर्ने हनुाले मकैको बीचबीचमा यो घाँस लगाएर कीरालाई धपाउने अनि छेउछेउमा कीरालाई मनपर्ने नेपिअर घाँस लगाएर कीरालाई आकर्षित गरी मार्ने,

सिफारिस अनुसारको मल प्रयोग गरर बिरुवालाई स्वस्थ र बलियो बनाई किराको प्रकोप सहन सक्ने पार्ने,

मकैको पातमा सेता लाम्चा झिल्लीसहितका प्वाल अवस्थाको क्षतिको लक्षण देखा परेमा नीमजन्य विषादी एजाडिराक्टिन १५०० पीपीएम ५ मिलिलिटर प्रतिलिटर पानीमा मिसाएर छर्ने,

मकैको पातमा प्वाल पारेको तथा गुभोमा क्षतिको लक्षण देखा परेमा इमामेक्टिन बेन्जोएट ५ प्रतिशत एसजी ०।४ ग्राम प्रतिलिटर पानीमा मिसाएर छर्ने, अथवा

विषादी छर्दा एक रोपनीमा लगाइएको मकैलाई २५ लिटर विषादी हालेको तयारी झोल प्रयोग गर्ने र तयारी झोल गुभोमा पर्नेगरी छर्ने,

एउटै विषादी निरन्तर प्रयोग नगरी आलोपालो गरी प्रयोग गर्ने तथा घोगा लागिसकेपछि विषादी प्रयोग नगर्ने ।

 

घोराहीमा इनारमा डुवेर ६ बर्षीय बालकको मृत्यु

घोराहीमा इनारमा डुवेर ६ बर्षीय बालकको मृत्यु

 

दाङ, बैशाख १० । दाङमा इनारमा डुबेर एक ६ बर्षीय बालकको मृत्यु भएको छ । घोराही उपमहानगरपालिका वडा नं. ६ भैंसापथ्राका प्रज्वल परियारको छिमेकीको इनारमा डुबेर मृत्यु भएको हो ।

पदम परियारका छोरा प्रज्वल खेल्ने क्रममा छिमेकी उमानन्द नेपालीको इनारमा खसेको बताईएको छ । उद्धार गरि उपचारको लागि राप्ती स्वास्थ्य बिज्ञान प्रतिष्ठान घोराही ल्याउदै गर्दा बाटोमै मृत्यु भएको जिल्ला प्रहरी कार्यालय दाङले जानकारी दिएको छ ।

एकै विद्यालयका ३९ जनामा कोरोना संक्रमण पुष्टि

एकै विद्यालयका ३९ जनामा कोरोना संक्रमण पुष्टि


बागलुङ, वैशाख ७ । बलेवाको जनताधन माध्यमिक विद्यालयमा पढ्ने विद्यार्थी र शिक्षक गरी ३९ जनामा मंगलबार मात्रै कोरोना संक्रमण पुष्टि भएको छ । आइतबार र सोमबार नियमित कक्षा चलाएको उक्त विद्यालयका ३९ जनामा कोरोना संक्रमण पुष्टि भएपछि स्थानिय त्रसित भएका छन् ।

स्वास्थ्य कार्यालय बागलुङले उक्त विद्यालयका ९८ जनाको स्वाब परीक्षण गर्दा ३९ जनामा संक्रमण पष्टि भएको हो । पुष्टि भएकालाई घरघरमै सुरक्षित रहन भनिएको छ ।उनीहरु सँगै पढेका अन्य विद्यार्थी बिदा मनाउन कता पुगेका छन् भन्ने विद्यालयमा जानकारी छैन ।

संक्रमणको जोखिम उच्च छ भनेर स्वास्थ्य मन्त्रालयले भनेपनि विद्यालय बन्द गर्ने नगरपालिकाले निर्णय नगरेपछि कोरोना अझै बढेर जाने अनुमान गरिएको छ ।उता नयाँ भेरियन्टको कोरोना भाइरसको संक्रमण बढ्दै गएपछि कोरोना संक्रमण नियन्त्रणका लागि नेपालमा पनि लकडाउन सुरु भएको छ । भारतीय सिमानामा रहको बाँकेको नेपालगन्जमा कोरोना संक्रमितको संख्या ड’रला’ग्दो गरी बढ्दै गएपछि जिल्लामा लकडाउन गर्न सिफारिस गरेको हो ।

देशभर लकडाउन घोषणा नगरिए पनि नेपालगञ्ज शहर सहित बाँकेमा लकडाउन गरिने भएको छ ।जिल्ला कोभिड क्रा’इसिस म्यानेजमेन्ट सेन्टर [डिसिसिएमसी] बाँकेले जिल्लामा कम्तिमा सात दिन लकडाउन गर्न सिफारिस गरेको छ । मंगलबार भएको बैठकले बाँकेमा फैलिरहेको कोरोनाको चेन तोड्नका लागि कम्तिमा एक साताको लकडाउन गर्नुपर्ने सिफारिस प्रमुख जिल्ला अधिकारी समक्ष गरेको हो ।

बाँकेका प्रमुख जिल्ला अधिकारीले त्यसबारे थप निर्णय लिनेछन् ।सम्भवत बिहीबारदेखि बाँके वा नेपालगन्ज मात्रै भएपनि लकडाउनको तयारी अघि बढेको छ । अस्पतालमा कोरोना संक्रमितको उपचारका लागि बेड समेत अभाव हुन थालेपछि लकडाउन बाध्यकारी भएको हो ।

बाँकेका सहायक प्रमुख जिल्ला अधिकारी दीर्घराज उपाध्यायले डिसिसिएमसीले लकडाउन सिफारिस गरेको र एक÷दुई दिनभित्रै बाँके वा नेपालगन्ज मात्रै भएपनि लकडाउनको निर्णय प्रमुख जिल्ला अधिकारीबाट हुने सम्भावना रहेको जानकारी दिएका छन् ।उता नेपालगन्ज उपमहानगरपालिका वडा नम्बर १ को कार्यालयका सबै कर्मचारीलाई कोरोना पुष्टि भएपछि वडा कार्यालय बन्द गरिएको छ ।

वडाध्यक्ष प्रमोद रिजालले परिस्थिति अनुकूल नभएसम्मका लागि वडा कार्यालय बन्द गरिएको बताए । ‘कर्मचारीलाई कोरोना पुष्टि भएपछि वडाबाट प्रदान गर्दै आएको सेवा प्रवाह प्रभावित बनेको छ,’ उनले भने, ‘वडाका सवै कर्मचारीलाई कोरोना लाग्यो, कोरोना झन फैलिन सक्ने भन्दै परिस्थितिअनुकूल नभएसम्मका लागि वडा बन्द गरेका हौँ ।’

वडाध्यक्ष रिजालका अनुसार सोमबार आएको पीसीआर रिपोर्टमा तीन जना र आइतबार आएको रिपोर्टमा तीन जनामा कोरोना पुष्टि भएको हो ।कोरोना पुष्टि हुनेहरु कार्यालय प्रमुख, लेखापाल, प्राविधिक, अनमी, सहजकर्तालगायतका कर्मचारी छन् । संक्रमित सबैको स्वास्थ्य अवस्था सामान्य रहेको र होम आइसोलेसनमा रहेको वडाध्यक्ष रिजालले सुनाए । यसअघि गत वर्ष फैलिएको कोरोना महामारीमा वडाध्यक्ष रिजाललाई पनि कोरोना संक्रमण भएको थियो । सांकेतिक तस्बित

भारतमा एकैदिन थपिए दुई लाख काेराेना संक्रमित

भारतमा एकैदिन थपिए दुई लाख काेराेना संक्रमित

 

काठमाडौं, बैशाख २ । भारतमा पछिल्लो २४ घण्टामा झण्डै २ लाख कोरोना संक्रमित थपिएका छन्। दोस्रो लहरको कोरोना संक्रमण फैलिएको भारतमा दैनिकजसो ठूलो संख्यामा संक्रमित थपिन थालेका हुन्।

विगत २४ घण्टामा एक लाख ९९ हजार ५ सय ६९ संक्रमित थपिएको भारतको स्वास्थ्य मन्त्रालयले जनाएको छ। योसहित त्यहाँ कुल संक्रमितको संख्या १ करोड ४० लाख ७० हजार पुगेको छ। यस्तै पछिल्लो २४ घण्टामा १ हजार ३७ जनाको मृत्यु भएसँगै भारतमा मृतकको संख्या १ लाख ७३ हजार पुगेको छ।

यस्तै अमेरिकामा ७८ हजार ३ सय, ब्राजिलमा ७६ हजार, टर्कीमा ६२ हजार ७ सय, फ्रान्समा ४३ हजार ५ सय तथा जर्मनीमा ३२ हजार ५ सय जनामा संक्रमण पुष्टि भएसँगै एकै दिन विश्वभर ८ लाखभन्दा बढी संक्रमित थपिएका छन्।

यस्तै यो अवधिमा ब्राजिलमा ३ हजार ४ सय ६२, अमेरिकामा ८ सय ८१, पोल्याण्डमा ८ सय ३, मेक्सिकोमा ५ सय ९२ तथा इटलीमा ४ सय ६९ जनाको मृत्यु भएको छ। पछिल्लो २४ घण्टामा झण्डै साढे १३ हजार संक्रमितको मृत्यु भएसँगै विश्वभर कुल मृतकको संख्या २९ हजार ८४ पुगेको छ।

नयाँ वर्षकाे दिन पत्रकार सविन प्रियासन राष्ट्रपतिबाट विभुषित हुँदै

नयाँ वर्षकाे दिन पत्रकार सविन प्रियासन राष्ट्रपतिबाट विभुषित हुँदै

 


दाङ, चैत २९ । नयाँ वर्षकाे पहिलाे दिन वैशाख १ गते प्रेस चाैतारीका लुम्बिनी प्रदेश इञ्चार्ज एवम् नेपाल पत्रकार महासंघ दाङका निवर्तमान अध्यक्ष सविन प्रियासन सहित देशभरका १६ जना पत्रकारलाई बिभुषित गर्ने भएकाे छ ।

यहीँ वर्ष संविधान दिवसको अअवसरमा विभुषित गर्ने निर्णय भए पनि काेराेना भाइरस महामहारीका कारण राेकिएकाे थियाे । पत्रकारिता क्षेत्रबाट मुलुकको आमुल परिवर्तनमा महत्वपूर्ण योगदान पु¥याएको भन्दै प्रियासन सहित १६ जना पत्रकारलाई विभुषित गर्न थालिएको हो ।

प्रियासन दाङबाट प्रकाशित हुने गणतन्त्र दैनिकको प्रकाशक/सम्पादक हुनुहुन्छ । पत्रकार महासंघ दाङको दुई कार्याकाल सचिव र एक कार्यकाल सल्लाहकार रहेर काम गर्नुभएका प्रियासन छोटो समयमा पत्रकारितामा राष्ट्रिय रुपमै स्थापित पत्रकारको रुपमा चिनिनुहुन्छ । भर्खरै पत्रकार महासंघकाे अध्यक्षमा उहाँको कार्यकाल सकिएर निर्वाचन मार्फत नयाँ नेतृत्व आइसकेकाे छ । राजमार्ग अनलाइनका सल्लाह्कार समेत रहनु भएका प्रियासन उपन्यासकार समेत हुनुहुन्छ ।

प्रियासनका हालसम्म आधा दर्जनभन्दा बढी उपन्यासहरु प्रकाशित भइसकेका छन् । विभिन्न पुस्तक महोत्सवहरुमा प्रियासनका उपन्यासहरु अत्यधिकरुपमा बिक्री बितरण भइरहेका छन् । २०६२/०६३ को आन्दोलन अघि साहित्य क्षेत्रमा कलम चलाउने प्रियासन त्यसताकाबाट पत्रकारितामा पनि क्रियाशिन हुनुहुन्छ ।

उहाँ जनआन्दोलनमा समेत सक्रिय सहभागि हुनुहुन्थ्यो । प्रियासन विभिन्न दर्जनभन्दा बढी सामाजिक संघ सस्थाहरुमा आवद्ध हुनुहुन्छ । यस्तै सरकारले नेपाल मिडिया सोसाइटीका अध्यक्ष शुभशंकरकँडेलसहित १६ जना पत्रकारलाई मानपदव, अलकार र पदकद्वारा बिभुषित गर्ने निर्णय गरेको हो ।

यसरी बिभुषित हुनेमा कँडेलसहित डा. राजेशराज अहिराज, सागर पण्डित, राजेशकुमार अर्याल, गोबिन्दप्रसाद भण्डारी, धर्मेन्द्र कर्ण, सुभेच्छाबिन्दु तुलाधर, चिरञ्जिीवि मास्के (प्रवल जनसेववा श्री चतुर्थ) रहनुभएको छ ।

यसैगरी टीका बिष्ट, लिलाराज भट्टराई, सूर्यमणि गौतम, सविन प्रियाशन , हरिनारायण गौतम, मोहन बस्नेत, कृष्णचन्द्र लामिछाने र तेजदत्त खकुराललाई जनसेवा श्री पञ्चमबाट बिभुषित गर्ने निर्णय सरकारले गरको हो ।



गुल्मीमा मोटरसाइकल दुर्घट्ना हुँदा एक जनाको मृत्‍यु

गुल्मीमा मोटरसाइकल दुर्घट्ना हुँदा एक जनाको मृत्‍यु

 

गुल्मी, चैत २८ । गुल्मीको गुल्मी दरवार गाउँपालिका ७ घुम्टीमा हिजो बेलुकी मोटरसाइकल दुर्घटना हुँदा चालकको मृत्यु भएको छ । गैंडाकोटबाट चारपालातर्फ जाँदै गरेको लु २३ प ५०६७ नम्बरको मोटरसाइकल हिजो बेलुकी ७ बजे अनियन्त्रित भइ सडकबाट करिब ३ मिटर तल खाल्डोमा खस्न पुगेको थियो ।

दुर्घटनामा घाइते भएका स्थानीय ४५ वर्षीय राम बहादुर खत्रीलाई उपचारको लागि जिल्ला अस्पताल पुर्‍याउनासाथ डाक्टरले मृत घोषणा गरेको प्रहरी चौकी चारपालाले जनाएको छ ।

जनस्वास्थ्य मापदण्ड नअपनाए देश लकडाउनतर्फ जान्छ : प्रधानमन्त्री

जनस्वास्थ्य मापदण्ड नअपनाए देश लकडाउनतर्फ जान्छ : प्रधानमन्त्री

 

काठमाडौं, चैत २६ । प्रधानमन्त्री केपी शर्मा ओलीले देशमा कोभिड संक्रमितको संख्या बढेको तर्फ औल्याउँदै सर्वसाधारण नागरिकले सावधानी नअपनाए लकडाउन गर्नुपर्ने अवस्था आउने संकेत गरेका छन्।

'हाम्रो जनजीवनलाई ठप्प नगरुम,बाध्य भए ठप्प पार्ने अवस्था पनि आउन सक्छ। हामीले सावधानी अपनाउनुपर्छ र अहिलेदेखि सावधानी अपनाउनैपर्छ, 'बिहीबार चेम्बर अफ कमर्सको ७० औं वार्षिक साधारण सभामा प्रधानमन्त्री ओलीले भने, 'सामाजिक दूरी कायम गर्नुपर्छ। मास्क लगाएर हाम्रो जीवनमा कोभिडलाई आउन दिने अवसर दिनु हुँदैन।'

नागरिक आफैं सचेत नभए कोभिडबाट सुरक्षित हुन नसक्ने प्रधानमन्त्री ओलीले बताए। खोपले पनि शतप्रतिशत सुरक्षित राख्न नसक्ने उनको दाबी छ। मुख्य कुरा सरसफाइमा ध्यान दिन उनले आग्रह गरे। भने, 'एकैपटक कोभिड भाइरस भित्र छिर्दैन। नाकमा बस्छ र त्यहीँबाट भित्र छिर्छ।'

कोभिडका बिरामीलाई निःशुल्क उपचार गरिएको प्रधानमन्त्री ओलीको भनाइ छ। परीक्षणदेखि खोप लगाउने कामसमेत निःशुल्क गरिएको उनले बताए। कोभिडलाई सरकारले लखेट्नुपर्ने उनको भनाइ छ।

कोभिडले पर्यटन क्षेत्रमा सबैभन्दा बढी असर गरेको ओलीले सुनाए। अन्य देशको तुलनामा नेपालको अर्थतन्त्रमा कम असर परेको उनले दाबी गरे। निजी क्षेत्रसँग सरकारसँगै बढने पनि उनले बताए। उनले भने, 'उद्योग, व्यापार तथा व्यवसायको क्षेत्रमा निजीक्षेत्रसँग साझेदार गरी अगाडि बढ्छौं।'

व्यवसायीक क्षेत्रका लागि नीति बनाउन पनि उनले आग्रह गरे। 'एडभान्स पोलिसी बनाऔं, एडभान्स काम गरौं, 'प्रधानमन्त्री ओलीले भने, 'सँगै काम गरौं र देश विकासका लागि सँगै जुटेर काम गर्नुपर्छ।'

बेलायतमा एस्ट्राजेनेका निर्मित कोरोना भ्याक्सिन लगाएका १९ जनाको मृत्यु

बेलायतमा एस्ट्राजेनेका निर्मित कोरोना भ्याक्सिन लगाएका १९ जनाको मृत्यु

 

काठमाडाैं, चैत २६ । बेलायतको औषधि नियामक संस्था एमएचआरएले ३० वर्षमुनिका मानिसहरूलाई एस्ट्राजेनेका निर्मित कोरोना भ्याक्सिन नदिइने जनाएको छ।

धेरै मानिसहरूमा मस्तिष्कमा रगत जम्ने समस्या (ब्लड क्लटिङ) समस्या देखिएपछि ३० वर्षभन्दा माथिका मानिसलाई मात्र यो खोप दिन लागिएको एमएचआरएले जानकारी दिएको छ। अब ३० वर्षभन्दा कम उमेरका मानिसहरूलाई कोरोनाविरुद्ध अन्य कम्पनीले तयार गरेका खोप दिइनेछ।

मार्चको अन्त्यसम्ममा एस्ट्राजेनेकाको खोप दिइएका मानिसहरूमध्ये ७९ जनामा ब्लड क्लटिङ भएको र तीमध्ये १९ जनाको मृत्यु भएको पनि एमएचआरएले जनाएको छ।

एस्ट्राजेनेका निर्मित भ्याक्सिनकै कारण ब्लड क्लटिङ भएको पर्याप्त प्रमाण नजुटेपनि यो समस्या र एस्ट्राजेनेकाको भ्याक्सिनबीच गहिरो सम्बन्ध रहको सो नियामकले जानकारी दिएको छ।

ब्लड क्लटिङका कारण ज्यान गुमाएकामध्ये दुई तिहाई महिला थिए। खोप लगाएपछि यो समस्या निम्तिएका १८ देखि ७९ वर्षसम्मका मानिसहरूको ज्यान गएको हो।

बेलायतमा अहिलेसम्म दुई करोड डोज एस्ट्रेजेनेकाको खोप दिइएको बीबीसीमा खबर छ।

बाँकेमा भिषण आगलागीबाट एक सय भन्दा बढि घरगोठ जलेर नष्ट

बाँकेमा भिषण आगलागीबाट एक सय भन्दा बढि घरगोठ जलेर नष्ट

 

बाँके, चैत २२ । बाँकेको नरैनापुर गाउँपालिका ४ खोदना बस्तीमा भएको भिषण आगलागीबाट एक सय भन्दा बढि घरगोठ जलेर नष्ट भएको प्रहरीले बताएको छ । पछिल्लो विवरण अनुसार आगलागीबाट एक सय दब वटा घरगोठ जलेर नष्ट भएको जिल्ला प्रहरी कार्यालय बाँकेले जानकारी दिएको छ ।शनिवार दिउँसो तिन बजेतिर बस्तीमा लागेको आगो राती ११ बजे मात्रै नियन्त्रणमा आएको थियो ।

प्रहरीका अनुसार आगलागी पिडितलाई विभिन्न ठाउँबाट सहयोगहरु आईरहेको र व्यवस्थापन गर्ने तयारी भईरहेको बाके प्रहरीले बताएको छ । आगलागीबाट मानवीय क्षती हुन नपाएको र कती रमक बराबरको क्षती भयो भन्ने बारे थप विवरण सकंलन भईरहेको प्रहरीले बताएको छ । आगलागी कसरी भएको हो भन्ने बारे केहि खुलेको छैन ।

स्रोत नखुलेको ४३ लाखसहित दाङका १ जना पक्राउ

स्रोत नखुलेको ४३ लाखसहित दाङका १ जना पक्राउ

 

दाङ, चैत २२ । प्रहरीले शनिबार साँझ ८ बजे दाङबाट आएको यात्रुबाहक बसबाट ४३ लाख रुपैयाँ नगद र नौथान तिलहरी बरामद गरेको छ ।

नागढुंगा चेकप्वाईन्टमा दाङ तुलसीपुरबाट काठमाडौँ तर्फ जादै गरेको प्रदेश नम्बर ३-०१-००- ६ ख ०९१२ नम्बरको यात्रु बाहक बसको प्यासेजमा कार्टुनमा कार्टुन टेपले पुरै बेरिएको अवस्थामा रकम बरामद भएको हो ।

कार्टुन भित्र हरियो रङको छड्के तिलहरिको पोते ९ थान र नेपाली बिनिमय हजार दरको १००० (हजार दर) को ३९०० (उन्नाचालीस) थान र नेपाली ५०० (पाँच सयदरको) ८०० (आठ सय) थान गरी त्रिचालिस लाख रूपैयाँ फेला परेको हो ।

प्रहरीले सोधपुछ गर्दा उक्त रकम तथा सामान जिल्ला दाङ तुलसीपुर उपमहानगरपालिका–५ सन्दिप कौशलको रहेको खुलेको थियो । प्रहरीले बरामद रकम र पक्राउ परेका कौशलका बिषयमा थप अनुसन्धान भइरहेको जनाएको छ ।

जाजरकोटमा यातायात मजदुरबीचको झडपमा १ जनाको मृत्यु

जाजरकोटमा यातायात मजदुरबीचको झडपमा १ जनाको मृत्यु

 

सुर्खेत, चैत २० । जाजरकोटमा यातायात मजदुरबीचको झडपमा एक युवकको मृत्यु भएको छ ।

बारेकोट गाउँपालिका–२, लिम्सामा यातायात मजदुरको दुई समूहबीच झडप हुँदा नलगाड नगरपालिका–४, का ३५ वर्षीय नरेश रावलको मृत्यु भएको प्रहरीले जनाएको छ ।

उनको शव बारेकोटकै देउलस्थित खोलामा शुक्रबार दिउँसो फेला परेको जाजरकोटका डीएसपी मधु थापाले जानकारी दिए । प्रहरीका अनुसार जाजरकोट–डोल्पा यातायात समितिका मजदुरबीच गाडीको रुटको विषयमा विवाद भएपछि झडप भएको हो ।

झडपका क्रममा नलगाड–४, कै सुजन कार्की र विकास रावल घाइते भएका छन् । घटनामा संलग्नको आरोपमा ६ जनालाई पक्राउ गरेर सदरमुकामतर्फ ल्याइएको डीएसपी थापाले बताए ।

अष्ट्रेलिया पठाईदिन्छु भनि ठगी गरेको अभियोगमा पक्राउ

अष्ट्रेलिया पठाईदिन्छु भनि ठगी गरेको अभियोगमा पक्राउ

 

काठमाडौं, चैत २० । अष्ट्रेलिया पठाईदिन्छु भनि ठगी गरेको अभियोगमा काठमाडौं तारकेश्वर नगरपालिका-८ ठेगाना भएका २३ वर्षीय अमित भुजेललाई बिहीबार प्रहरीले पक्राउ गरेको छ ।

भुजेलले सर्ट टर्म ४५७ भिषामा २/२ वर्ष कामको लागि १०५ दिन भित्रमा पूरै प्रकृया गरी अष्ट्रेलिया पठाईदिन्छु त्यसका लागि प्रतिव्यक्ति ६ लाख रुपैयाँ लाग्छ भनि २ जनाबाट ९ लाख रुपैयाँ लिई ठगी गरेको भन्ने पीडितबाट प्राप्त जाहेरीको आधारमा महानगरीय अपराध महाशाखाबाट खटिएको प्रहरीले उनलाई काठमाडौं महानगरपालिका-१६ माछापोखरीबाट पक्राउ गरेको हो ।

उनलाई थप अनुसन्धान एवम् कारवाहीको लागि महानगरीय प्रहरी परिसर काठमाडौं पठाइएको उक्त महाशाखाले जनाएको छ ।

जिल्ला स्वास्थ्य कार्यालय दाङको चरम लापरबाही

जिल्ला स्वास्थ्य कार्यालय दाङको चरम लापरबाही

  • शिवु खनाल

दाङ, चैत २० । जिल्ला स्वास्थ्य कार्यालय दाङले राजपुर गाउँपालिकालाई हात्तिपाइले विरुद्धको औषधि बितरण गर्नु पर्नेमा अन्य औषधि बितरण गरेको पाइएको छ । डाईईथाइल कार्बा माजिन नामक औषधि पठाउनु पर्नेमा ट्राहेक्सी फेनाइडेल हाइड्रोक्लोराइड ट्याब्लेट नामक औषधि पठाईएको छ ।

यो औषधि २(५ वर्ष सम्मकालाई १ चक्कि १०० एमजी, ६ देखि १४ वर्षका बालबालिकालाई २ चक्की २०० एमजी, १५ देखि माथिकालाई ३ चक्की ३०० एमजी खुवाउनु पर्छ। साथै जुकाको औषधि अल्बेण्डाजोल पनि खुवाउने गरिन्छ ।

हात्तिपाइले विरुद्धको औषधि भनेर दाङको राजपुर गाउँपालिकामा उक्त औसधि पुगि सकेको छ, हात्तिपाइले विरुद्धको औषधि पठाउनु पर्नेमा फरक औषधि परेकोले सुरक्षा निकाय मार्फत सबै तिर सुचना गरिसकेका छौं र ती औषधि फर्काउन सबै स्थानीय पालिकाका स्वास्थ्य शाखालाई जानकारी गराई सकेका छौं जिल्ला स्वास्थ्य कार्यालय दाङका प्रमुख अंगद बहादुर शाहीले भन्नुभयो ।

हात्तिपाइले विरुद्धको औषधि पठाउनु पर्नेमा फरक औषधि पर्न गएको कार्यालय प्रमुख शाहीले स्वीकार गरेका छन् ।ट्राहेक्सी फेनाइडेल हाइड्रोक्लोराइड ट्याब्लेट नामक औषधि खासगरी पार्किन्सनका बिरामी ९ बुढापाका मानिसमा देखा पर्ने मांसपेशी कसिएर भएका बिरामीलाई, मांसपेशी जाम भएर बोल्न नसक्ने खालका बिरामीलाई दिने गरेको लमही अस्पतालका एक डाक्टरले बताउनुभयो ।

घोराही-लमही सडक खण्डमा ५ दिनका लागि सवारी सधान चलाउन रोक

घोराही-लमही सडक खण्डमा ५ दिनका लागि सवारी सधान चलाउन रोक

 

दाङ, चैत २० । घोराही-लमही सडक खण्डमा ५ दिनका लागि हेभी सवारी सधान चलाउन रोक लगाइएको छ। यस सडक खण्डको विभिन्न ठाउँमा सडक जिर्ण बनेको र त्यसको मर्मत गर्नु पर्ने भएकाले यही चैत २२ गते देखि २६ गते साँझसम्म पूर्ण रुपमा हेभी सवारी साधन संचालनमा रोक लगाइएको हो ।

जिल्ला प्रशान कार्यालय दाङले सूचना जारी गर्दै हेभी सवारी साधान बस, ट्रक टिपर, ट्रली संचालनमा रोक लगाइएको जानकारी दिएको छ। तर स्कारपियो, हायस लगायत साना सवारी सधान भने संचलन हुने प्रमुख जिल्ला अधिकारी दीर्घ नारायन पौडेलले बताउनुभयो।

यससँगै हेभी सवारी सधानले अब ५ दिन बैकल्पिक सडकको रुपमा तुलसीपुर-अमेलिया सडक खण्ड प्रयोग गर्नु पर्ने भएको छ।

धनुषामा एकैदिन दुई जनाको शव फेला

धनुषामा एकैदिन दुई जनाको शव फेला

 

जनकपुरधाम, चैत २० । धनुषाको क्षीरेश्वरनाथ नगरपालिका–३ पर्सा पकडिया र औरही गाउँपालिका–३ स्थित कपटौलमा बिहीबार दुई जनाको शव फेला परेको हो छ।

जिल्ला प्रहरी कार्यालय धनुषाकाअनुसार पकडियामा आँपको बगैँचामा शव फेला परेको  हो। उक्त पुरुषको परिचय खुल्न भने  सकेको छैन्। स्थानीयका अनुसार उनी मागेर खान्थे यद्यपी उनलाई कसैले हत्या गरेर बगैँचामा फालेको हुनसक्ने अनुमान स्थानीयको रहेको छ।

यता कपटौलमा मृत फेला परेका ४० वर्षीय पुरुष औरही गाउँपालिका ३ का विजय मण्डल रहेको प्रहरीले  जाकारी दिएको छ। उनलाई गम्छाले (तौलिया)ले घाँटी थिचेर हत्या गरेको हत्याको झै देखिन्छ।

चैते धान रोप्न भनी  गएका उनी खेतबाटै नै बेपत्ता भएका थिए।  दुवै शव पोष्टमार्टमका लागि जनकपुर ल्याइएको छ। इलाका प्रहरी कार्यालय औरहीका इन्चार्ज प्रहरी नायब निरीक्षक सन्तोष झाले घटना विषयमा अनुसन्धान भइरहेको बताए।