डलरको भाउ आज झनै महँगो

डलरको भाउ आज झनै महँगो

  दाङ, असोज ८ । अमेरिकी डलरको भाउ आज झन् महँगो भएको छ । नेपाल राष्ट्र बैंकले आजका लागि एक अमेरिकी डलरको बिक्रीदर १२९ रुपैयाँ ८९ पैसा तोकेको छ।

हिजोको बिक्रीदर १२९ रुपैयाँ ६८ पैसा थियो । साउनयता घट्न थालेको डलरको विनिमय दर हिजोदेखि फेरि बढेर आज अहिलेसम्मकै उच्च भएको हो।

अमेरिकी डलरको भाउ बढ्न थालेपछि नेपाली मुद्रा अहिलेसम्मकै कमजोर बन्दै गएको छ। पछिल्ला दिनहरूमा विश्वबजारमा डलरको माग बढिरहेकाले त्यसको भाउ बढेको हो। डलरको भाउ बढेपछि भारतीय रुपैयाँ हुँदै नेपाली मुद्राको भाउ घट्ने गर्छ । नेपाली रुपैयाँ र भारतीय रुपैयाँको विनिमय दर स्थिर छ ।

स्थिर विनिमय दरसँगै नेपालको कुल वैदेशिक व्यापारको ठूलो हिस्सा भारतमा निर्भर रहेकाले भारुको विनिमय दर घटबढ भएपछि नेपाली रुपैयाँमा पनि प्रत्यक्ष प्रभाव पर्छ । डलर बलियो हुँदा रेमिट्यान्स, पर्यटन र निर्यातमा फाइदा हुने भए पनि वस्तु तथा सेवाको आयातबापतको भुक्तानीमा भने नोक्सान हुनेगर्छ।

यस्तै औषधि उपचार, अध्ययन तथा अरु कामको लागि विदेश जानेहरुलाई पनि लागत महँगो पर्न जान्छ।

 डलरको भाउमा नयाँ रेकर्ड : आज एक अमेरिकी डलरको विनिमय दर १२९ रुपैयाँ ६८ पैसा

डलरको भाउमा नयाँ रेकर्ड : आज एक अमेरिकी डलरको विनिमय दर १२९ रुपैयाँ ६८ पैसा

दाङ, असोज ७ । नेपाल राष्ट्र बैंकले आजका लागि एक अमेरिकी डलरको भाउ (विनिमय दर) १२९ रुपैयाँ ६८ पैसा तोकेको छ । अमेरिकी डलरको यो नयाँ रेकर्ड हो । यसअघि गएको साउन ५ गते एक अमेरिकी डलरको विनियम दर १२८ रुपैयाँ २९ पैसा रहेको थियो ।

अमेरिकी डलरको भाउ उच्च हुँदा नेपाली मुद्रा अहिलेसम्मकै कमजोर बन्दै गएको छ । पछिल्ला दिनमा विश्वबजारमा अमेरिकी डलरको माग बढ्न थालेपछि डलरको मूल्य पनि उकालो लागेको हो । त्यसको असर भारतीय मुद्रा (भारु) हुँदै नेपाली मुद्रासम्म आइपुगेको छ । नेरु र भारुबीच स्थिर विनिमय दर छ ।

स्थिर विनिमय दरसँगै कुल वैदेशिक व्यापारको ठूलो हिस्सा भारतमा निर्भर छ । यसकारण भारतीय रुपैयाँको विनिमय दर घटबढ भएपछि नेपाली रुपैयाँ पनि प्रत्यक्ष प्रभावित हुन्छ । डलरको भाउ बढ्दा वस्तु तथा सेवाको आयातबापत हुने भुक्तानीमा असर पर्छ ।

अहिले दशैँ/तिहार जस्ता मुख्य चाडपर्वका बेला नेपाल भित्रिने रेमिट्यान्समा सकारात्मक प्रभाव परे पनि आयात

अर्थतन्त्र सुधारको बाटोमा छ, अझै पनि सजग हुनुपर्छ : गर्भनर अधिकारी

अर्थतन्त्र सुधारको बाटोमा छ, अझै पनि सजग हुनुपर्छ : गर्भनर अधिकारी

  काठमाण्डौ, भदौ १८ । नेपाल राष्ट्र बैंकका गर्भनर महाप्रसाद अधिकारीले अर्थतन्त्र सुधारको बाटोमा रहेको तर अझै पनि सजग हुनुपर्ने बताउनुभएको छ ।

नेपाल आर्थिक पत्रकार समाज (सेजन) को २४ औँ वार्षिक साधारण सभामा गर्भनर अधिकारीले अहिले बाह्य श्रम बजार खुल्दै गएको, रेमिट्यान्स केही बढेको, पर्यटन क्षेत्रमा सुधार तथा पर्यटक बढेको, निर्यातमा केही वस्तु बढेको र विद्युतको पनि निर्यात भैरहेको अवस्थामा अर्थतन्त्र सुधारिन थालेको बताउनुभयो ।

उहाँले गएको वर्षदेखि नै नेपालको अर्थतन्त्र दबावमा रहनुको मुख्य कारण विदेशी विनिमय सञ्चिति घट्नु रहेको बताउनुभयो । गर्भनर अधिकारीले गएको बैशाखदेखि नै केही वस्तुको आयातमा रोक लगाएको भन्दै अवस्था हेरेर आयात खोल्ने तयारी रहेको पनि जानकारी दिनुभयो ।

‘अहिले अवस्था केहि सहज छ, उहाँले भन्नुभयो,‘ हिजोको अवस्थाबाट पाठ सिकेर तत्कालै आयात खुला गर्नु हुन्न ।’ उहाँले अहिले विश्व नै मूल्यवृद्धिको चपेटामा परेको यसले नेपालमा समेत असर पारेको बताउनुभयो । मूल्यवृद्धिका कारण अर्थमन्त्री र गभर्नरलाई दबाव बढेको उहाँको भनाइ छ । उहाँले अर्थतन्त्रबारेका सही आर्थिक सूचना नागरिकमाझ पुर्‍याउन जरुरी रहेकोमा पनि जोड दिनुभएको छ ।

 दशैंका लागि नयाँ नोट भदौ २६ गतेदेखि साटिने

दशैंका लागि नयाँ नोट भदौ २६ गतेदेखि साटिने

दाङ, भदौ १५ । दशैंका लागि नयाँ नोट भदौ २६ गतेदेखि साट्न पाइने भएको छ । दशैं तथा तिहारमा सबैभन्दा बढी नयाँ नोट खपत हुने गरेकोले नेपाल राष्ट्र बैंकले सो समयमा नयाँ नोट साट्न दिने गरेको छ ।

राष्ट्र बैंकले यसवपर्ष २६ गते अघी नै बैंकहरूलाई नयाँ नोट पठाइसक्ने भएको छ । नयाँ नोट पठाएर एक साताभित्रै नयाँ नोट साट्न पाइने बैंकहरूको सूची सार्वजनिक हुने छ । त्यसपछि सर्वसाधारणले पायक पर्ने बैंकबाट नयाँ नोट साट्न पाइने गरी सहजिकरण गरिने नेपाल राष्ट्र बैङ्कले जानकारी दिएको छ ।

राष्ट्र बैैंकले नयाँ नोट वितरण गर्दा प्रतिव्यक्ति ५, १०, २०, ५० र १०० रूपैयाँदरका नोट उपलब्ध गराउने छ । यस्तो नोट प्रतिव्यक्ति १८ हजार ५०० रूपैयाँसम्म साट्न पाइने नेपाल राष्ट्र बैंकका प्रवक्ता गुणकर भट्टले बताउनुभयो । गत वर्ष दशैँमा ८ अर्बको नयाँ नोट साटिएको थियो ।

 चालु खाता ६ खर्ब २३ अर्ब रुपैयाँले घाटामा

चालु खाता ६ खर्ब २३ अर्ब रुपैयाँले घाटामा

दाङ, साउन ३१ । गएको आर्थिक वर्ष २०७८/०७९ मा चालु खाता ६ खर्ब २३ अर्ब ३३ करोड रुपैयाँले घाटामा रहेको छ । नेपाल राष्ट्र बैंकको तथ्याङ्कअनुसार अघिल्लो वर्ष चालु खाता तीन खर्ब ३३ अर्ब ६७ करोड रुपैयाँले घाटामा रहेको थियो । अमेरिकी डलरमा अघिल्लो वर्ष दुई अर्ब ८४ करोड रुपैयाँले घाटामा रहेको चालु खाता गएको वर्ष पाँच अर्ब १७ करोड रुपैयाँले घाटामा रहेको छ ।

यस्तै प्रत्यक्ष वैदेशिक लगानी झन्डै ५ प्रतिशतले घटेर १८ अर्ब ५६ करोड रुपैयाँ कायम भएको छ । गएको वर्ष शोधनान्तर स्थिति दुई खर्ब ५५ अर्ब २६ करोड रुपैयाँले घाटामा रहेको छ ।

यस्तै २०७८ को असार मसान्तमा १३ खर्ब ९९ अर्ब तीन करोड रुपैयाँ बराबर रहेको कुल विदेशी विनिमय सञ्चिति १३ दशमलव १ प्रतिशतले कमी आइ यो वर्षको असार मसान्तमा १२ खर्ब १५ अर्ब ८० करोड रुपैयाँ कायम भएको छ । अमेरिकी डलरमा यस्तो सञ्चिति २०७८ असार मसान्तमा ११ अर्ब ७५ करोड रहेकोमा यो वर्षको असार मसान्तमा १८ दशमलव ९ प्रतिशतले कमी आइ नौ अर्ब ५४ करोड कायम भएको छ ।