समाचार सामग्रीका लागि फेसबुक र गुगलले पैसा तिर्नुपर्ने कानुन अस्ट्रेलियामा पारित

समाचार सामग्रीका लागि फेसबुक र गुगलले पैसा तिर्नुपर्ने कानुन अस्ट्रेलियामा पारित

 

काठमाण्डाै, फागुन १३ । समाचार सामग्रीका लागि फेसबुक र गुगलले पैसा तिर्नुपर्ने कानुन अस्ट्रेलियामा पारित भएको छ । यो कानुन संसारकै पहिलो कानुन भएको बताइएकाे छ । 

अमेरिकी प्रविधि संस्थाले यो कानुनको विरोध गरेका थिए । गएको हप्ता यो कानुनका कारण फेसबुकले अस्ट्रेलियामा फेसबुकका समाचार हेर्न र शेयर गर्न बन्द गरेको थियो तर सरकारसँगको वार्तापछि पछि खुला गरिएको थियो । 

वार्तापछि संशोधनसहित कानुन पारित भएको हो । संशोधन कानुनअनुसार फेसबुक र गुगलले केही नियमबाट छुट पाउन सक्ने छन् । तर दुवै कम्पनी अस्ट्रेलियाका ठूला प्रकाशकहरूलाई एकमुष्ठ रकम तिर्न सहमत भएका छन् । 

अस्ट्रेलियाको नयाँ कानुनलाई विश्वका अरू देशमा यस्तै कानुन बनाउने सम्भावनाको परीक्षणका रूपमा लिइएको छ ।

यो कानुन अस्ट्रेलियाको प्रतिनिधि सभाले बिहीवार संशोधनसहित पारित गरेको हो । सिनेटले याे कानुन पारित गरिसकेको थियो ।  

नेपालसँगको सम्बन्ध सुदृढ बनाउन चाहेको बाइडनको धारणा

नेपालसँगको सम्बन्ध सुदृढ बनाउन चाहेको बाइडनको धारणा


काठमाडौं, फागुन १२ । अमेरिकी राष्ट्रपति जो वाइडनले अमेरिकाले नेपालसँगको सम्बन्धलाई सुदृढ बनाउन चाहेको बताएका छन् ।

अमेरिकाका लागि नेपाली राजदूत डा.युवराज खतिवडाले अमेरिकी विदेश मन्त्रालयमार्फत अमेरिकी राष्ट्रपतिलाई बुझाएको ओहदको प्रमाणपत्र बुझ्दै वाइडनले नेपालबारे बताएका हुन् ।

अमेरिकास्थित नेपाली दूतावसले भनेको छ, ‘अमेरिकी राष्ट्रपतिले साँझ एजेण्डाको आधारमा नेपालसँगको सम्बन्धलाई सुदृढ बनाउन चाहेको धारणा व्यक्त गर्नुभयो ।’

ओहदाको प्रमाणपत्रसँंगै खतिवडाले राष्ट्रपति विद्यादेवी भण्डारी र प्रधानमन्त्री केपी ओलीको सन्देश सुनाएका थिए । राजदूत खतिवडाले अमेरिकाले नेपाललाई गरेको निरन्तर सहयोगप्रति आभार व्यक्त गरेका थिए ।

 च्याम्पियन्स लिग स् बार्यन म्युनिखको शानदार जित

च्याम्पियन्स लिग स् बार्यन म्युनिखको शानदार जित

दाङ, फाल्गुन १२ । साविक विजेता तथा जर्मन क्लब बायर्न म्युनिखले च्याम्पियन्स लिग फुटबलमा सहज जित निकालेको छ ।

मंगलबार राति भएको लिग अन्तर्गत अन्तिम १६ को पहिलो लेगमा बायर्नले इटालियन क्लब लाजियोलाई ४-१ गोलले पराजित गरेको हो ।

लाजियोको मैदानमा बायर्नलाई जित दिलाउन रोबर्ट लेवान्डोस्की, जमल मुसिआला र लोरी सानेले एकरएक गोल गरे ।

बायर्नले एक आत्मघाती गोलको उपहार पाएको थियो । लाजियोका जोआक्विन कोरेयाले एक गोल फर्काउदा फ्रान्सिस्कोले आत्मघाती गोल गरे ।

जितसँगै बायर्नले क्वाटरफाइनल पुग्ने सम्भावना बलियो बनाएको छ । बायर्न र लाजियोबीचको दोस्रो लेग मार्च १७ मा हुनेछ ।

प्रिमियर लिग : म्यानचेस्टर सिटीको विजयी यात्रा कायमै, म्यान्यु र लेस्टर सिटीको अङ्क समान

प्रिमियर लिग : म्यानचेस्टर सिटीको विजयी यात्रा कायमै, म्यान्यु र लेस्टर सिटीको अङ्क समान

   काठमाण्डौ, फागुन १० । इङ्ग्लिस प्रिमियर लिग फुटबलमा शीर्ष स्थानको म्यानचेस्टर सिटीले दोस्रो स्थानमा रहेको म्यानचेस्टर युनाइटेडसँग १० अंकको अग्रता बनाएको छ ।

गएराति भएको खेलमा म्यानचेस्टर सिटीले आर्सनललाई उसकै मैदानमा १-० गोल अन्तरले हराउँदै १० अंकको अग्रता बनाएको हो ।

म्यानचेस्टर सिटीका लागि खेलको दोस्रो मिनेटमा नै रहिम स्टर्लिङले गरेको गोल नै निर्णायक बन्यो । जितपछि म्यानचेस्टर सिटीले २५ खेलमा ५९ अंक जोडेको छ । आर्सनल भने लिगको दशौं स्थानमा रहेको छ । आर्सनलले २५ खेलमा ३४ अंक जोडेको छ । 

यस्तै प्रिमियर लिग अन्तर्गत हिजो भएको खेलमा दोस्रो स्थानमा रहेको म्यानचेस्टर युनाइटेड र तेस्रो स्थानमा रहेको लेस्टर सिटी विजयी भएका छन् । 

म्यानचेस्टर युनाइटेडले न्यूक्यासललाई ३-१ गोल अन्तरले  पराजित गरेको हो भने लिसेस्टरले एस्टोन भिल्लालाई  २–१ गोल अन्तरले पराजित गर्यो । जितपछि म्यानचेस्टर युनाइटेड र लेस्टरको समान ४९ अंक भएको छ।

यस्तै गएराति नै भएको खेलमा वेष्टह्यमले टोटनह्यामलाई २ –१ गोल अन्तरले पराजित गरेको छ । लिगको चौथो स्थानमा रहेको वेष्टह्यामको ४५ अंक छ । एक खेल कम खेलेको टोटनह्याम ३६ अङ्सहित नवौं स्थानमा छ । 

मेक्सिकोमा सैन्य विमान दुर्घटना, ६ जनाको ज्यान गयो

मेक्सिकोमा सैन्य विमान दुर्घटना, ६ जनाको ज्यान गयो

  दाङ, फागुन १० । मेक्सिकोमा सैन्य विमान दुर्घटना हुँदा ६ जनाको ज्यान गएको छ ।

स्थानीय समयअनुसार दक्षिणपूर्वी राज्य भेराक्रुजमा वायु सेनाको विमान हिजो बिहान दुर्घटनामा परेको हो ।

एमिलियानो जापाटाको एयरपोर्टबाट विमानले उडान लिने क्रममा दुर्घटना भएको मेक्सिकोको सरकारी अधिकारीले बताएका छन् । विमान दुर्घटनामा ज्यान गुमाउनेको परिचय खुलिनसकेको त्यहाँका रक्षामन्त्रीलाई उदृत गर्दै समाचार संस्था रोयटर्सले जनाएको छ ।

विमान दुर्घटना हुनुको कारण खुलेको छैन । घटनाको अनुसन्धान थालिएको रक्षा मन्त्रालयले जनाएको छ । 


 ईपीएलमा वेस्ट ह्यामसँग हार्‍यो टोटनह्याम

ईपीएलमा वेस्ट ह्यामसँग हार्‍यो टोटनह्याम

  दाङ, फागुन ९ । इङ्ग्लिश प्रिमियर लिगमा वेस्ट ह्यामले टोटनह्यामलाई हराएको छ । लण्डन स्टेडियममा भएको खेलमा वेस्ट ह्यामले टोटनह्यामलाई दुई–एकले हराएको हो ।

वेस्ट ह्यामका मिकेल एण्टेनियोले खेलको ५ औँ मिनेटमा र जेसे लिङ्गार्डले ४७ औँ मिनेटमा गोल गरे । टोटनह्यामका लुकास मैराले ६४ औँ मिनेटमा एक गोल फर्काए ।

जितसँगै वेस्ट ह्याम २५ खेलमा ४५ अङ्कसहित चौथो स्थानमा छ । एक खेल कम खेलेको टोटनह्याम ३६ अङ्सहित नवौँ स्थानमा छ ।  

 स्पेनिस ला लिगा स् शीर्ष स्थानमा रहेको एट्लेटिको मड्रिड लेभान्टेसँग पराजित

स्पेनिस ला लिगा स् शीर्ष स्थानमा रहेको एट्लेटिको मड्रिड लेभान्टेसँग पराजित

दाङ, फागुन ९ । स्पेनिस ला लिगामा शीर्ष स्थानमा रहेको एट्लेटिको मड्रिडलाई लेभान्टेले पराजित गरेको छ ।

आठौं स्थानमा रहेको लेभान्टेले शीर्ष स्थानमा रहेको एट्लेटिको मड्रिडलाई १-० गोल अन्तरले पराजित गरेको हो ।

जितसँगै लेभान्टेको ३१ अङ्क भएको छ । शीर्ष स्थानमा रहेको एट्लेटिको मड्रिडको ५५ अङ्क रहेको छ । यस्तै गएराति नै भएको अर्को खेलमा दोस्रो स्थानमा रहेको रियल मड्रिडले रियल भालाडोलिडालाई पराजित गर्दै अङ्क सुधार गरेको छ । २१ अङ्कसहित १९ स्थानमा रहेको रियल भालाडोलिडालाई १-० गोलले पराजित गर्दै रियल मड्रिडले दोस्रो स्थान कायम गर्दै ५२ अङ्क बनाएको हो ।

१२ औं स्थानमा रहेको भ्यालेन्सियाले १० औँ स्थानमा रहेको सेल्टा भिगोलाई २-० गोलले पराजित गरेको छ । लिगमा भ्यालेन्सियाको २७ अङ्क छ भने सेल्टा भिगोको ३० अङ्क रहेको छ । गएराति नै भएको अर्को यल्चीले एइबरलाई १-० गोलले पराजित गरेको छ ।

 

 प्रिमियर लिगमा उल्भर ह्याम्पटनसँग लिड्स युनाइटेड पराजित

प्रिमियर लिगमा उल्भर ह्याम्पटनसँग लिड्स युनाइटेड पराजित

  दाङ, फागुन ८ । इङ्ग्लिस प्रिमियर लिग फुटबलमा उल्भर ह्याम्पटन वान्डरसले लिड्स युनाइटेडलाई पराजित गरेको छ ।

उल्भर ह्याम्पटनले गएराति भएको खेलमा लिड्स युनाइटेडलाई १–० गोल अन्तरले ले पराजित गरेको हो । उल्भर ह्याम्पटनका लागि इलान म्यासलियरले एक गोल गरेका हुन् । जारी लिगमा उल्भर ह्याम्पटन ३३ अङ्कसहित ११ औँ र लिड्स युनाइटेड ३२ अङ्कसहित १२ औँ स्थानमा रहेका छन् ।

५६ अङ्कसहित म्यानचेस्टर सिटी ​लिगको शीर्ष स्थानमा रहेको छ भने म्यानचेस्टर युनाइटेड ४६ अङ्कसहित दोस्रो स्थानमा रहेको छ।

 बार्सिलोनामाथि पीएसजीको शानदार जित, एमबाप्पेको ह्याट्रिक

बार्सिलोनामाथि पीएसजीको शानदार जित, एमबाप्पेको ह्याट्रिक

दाङ, फागुन ५ । किलिएन एमबाप्पेले ह्याट्रिक गरेपछि च्याम्पियन्स लिग अन्तर्गत अन्तिम १६ को पहिलो लेगमा फ्रेन्च क्लब पेरिस सेन्ट जर्मेन (पीएसजी)ले स्पानिस क्लब बार्सिलोनामाथि शानदार जित हात पारेको छ ।

घरेलु मैदानमा बार्सिलोनाले पहिले अग्रता लिएपछि त्यसलाई कायम राख्न सकेन र ४-१ को लज्जास्पद हार व्यहोरेको हो ।

क्याम्प नोउमा खेलको २७औं मिनेटमा कप्तान लिओनल मेसीले गोल गर्दै बार्सिलोनालाई अग्रता दिलाएका थिए । तर ३२औं मिनेटमा एमबाप्पेले बराबरी गोल फर्काए ।

दोस्रो हाफमा पीएसजीले तीन गोल गर्‍यो । जसमा एमबाप्पेले दुई गोल गर्दै ह्याट्रिक पूरा गरे । ६५औं मिनेटमा एमबाप्पेले व्यक्तिगत दोस्रो गोल गर्दै पीएसजीलाई २-१ को अग्रता दिलाए । ७०औं मिनेटमा मोइस केनले पीएसजीको लागि तेस्रो गोल गरे । ८५औं मिनेटमा एमबाप्पेले ह्याट्रिक पूरा गर्दा पीएसजी ४-१ ले विजयी भयो ।

यस्तै अर्को खेलमा इंग्लिस क्लब लिभरपुलले जर्मन क्लब आरबी लाइपजिगलाई २-० ले पराजित गरेको छ । हंगेरीको बुढापेस्टस्थित पुस्कास एरेनामा भएको खेलमा लिभरपुलका लागि मोहम्मद सालाह र साडियो मानेले दोस्रो हाफमा गोल गरे । सालाहले ५३औं र मानेले ५८औं मिनेटमा गोल गरे ।

कोभिड १९ का कारण जर्मन सरकारले इंग्लिस टिमलाई देशमा प्रवेश गर्ने अनुमति नदिएपछि लाइपिजगले घरेलु खेल बुढापेष्टमा खेलेको हो ।

म्यान्मार कूस् सेना सडकमा, इन्टरनेट सेवा अवरुद्ध

म्यान्मार कूस् सेना सडकमा, इन्टरनेट सेवा अवरुद्ध

 

दाङ, फागुन ३ । सैन्य कू पछि पहिलो पटक याङ्गुनमा बख्तरबन्द गाडीहरू सडकमा देखिएका छन्

म्यान्मारमा फेब्रुअरी १ तारिखमा सेनाले गरेको कू को विरोध गरिरहेकाहरू लक्षित कारबाही सुरु गरिन सक्ने सङ्केतहरू देखा परेका बेला उत्तरी क्षेत्रमा भएको प्रदर्शनका क्रममा स्वचालित हतियारबाट गोली चलेको सुनिएको छ।

सबैभन्दा ठूलो सहर याङ्गुनमा सैन्य अधिकारीहरू सडकमा उत्रेको विवरण आइरहेका बेला म्यान्मारस्थित पश्चिमा राष्ट्रहरूका दूतावासहरूले भने हिंसाको प्रयोग नगर्न आग्रह गरेका छन्।

स्थानीय समय अनुसार दिनको १ बजेदेखि त्यहाँ इन्टरनेट सेवा पूर्ण रूपमा बन्द गरिएको छ। संयुक्त राष्ट्र सङ्घका एकजना अधिकारीले सेनाले जनताविरुद्ध युद्धको घोषणा गरेको आरोप लगाएका छन्।

म्यान्मारमा सेनाद्वारा एक वर्षको लागि सङ्कटकाल घोषणाम्यान्मारका लागि संयुक्त राष्ट्र सङ्घका विशेष प्रतिवेदक टम एन्ड्रीउजले सैन्य जेनेरलहरूले ूहतोत्साहको सङ्केतू देखाइरहेको र उनीहरूलाई जबाफदेही बनाइने बताएका छन्।

युरोपेली संघ (इयू), अमेरिका र यूकेले हस्ताक्षर गरेको एउटा वक्तव्यमा भनिएको छ, ूहामी सुरक्षा निकायहरूलाई वैध सरकार हटाइए विरुद्ध भइरहेको प्रदर्शनमा सहभागी भएकाहरू माथि हिंसा नगर्न आग्रह गर्छौँ।

म्यान्मारमा भएको सैन्य कू ले नेत्री आङ सान सू चीले नेतृत्व गरेको सरकार अपदस्थ गरिदिएको थियो।

नेत्री सू चीको न्याश्नल लीग फर डेमोक्र्यासी (एनएलडी) ले ठूलो बहुमतका साथ जित हासिल गरेको थियो।

तर सेनाले भने चुनावमा धाँधली भएको बताउँदै आएको छ।

सू ची हाल आफ्नै निवासमा नजरबन्दमा छिन्। सयौँ अधिकारवादी र नेताहरूलाई पक्राउ गरिएको छ।

पानीको फोहराबाट जोगिन मङ्गलवारको प्रदर्शनमा मानिसहरूले प्लास्टिक ओढेका थिए

म्यान्मारमा सेनाविरुद्ध देशव्यापी रूपमा लगातार नवौँ दिन हजारौँ प्रदर्शनकारीहरूले विरोध कार्यक्रम गरेका छन्।

कचीन राज्यमा भएको प्रदर्शनमा सुरक्षा अधिकारी र प्रदर्शनकारीहरूबीच भएको झडपका क्रममा स्वचालित हतियार चलाइएको सुन्न सकिन्थ्यो।

त्यसक्रममा रबरको गोली चलाइएको हो वा गोली नै चलाइएको हो भन्ने कुरा भने प्रस्ट हुन सकेको छैन।

पाँचजना पत्रकारहरूलाई पक्राउ गरिएको छ।

सैन्य कू पछि पहिलो पटक याङ्गुनमा हतियार चलाउन सकिने गाडीहरू सडकमा देखिएका थिए।

दूरसञ्चार सेवा प्रदायकहरूका अनुसार उनीहरूलाई स्थानीय समय अनुसार आइतबार १ बजे देखि सोमवार ९ बजेसम्म इन्टरनेट सेवा बन्द गर्न निर्देशन दिइएको छ।

नेपिद्‌अस्थित एक चिकित्सकका अनुसार सुरक्षा अधिकारीहरूले रातको समयमा घरहरूमा छापा मारिरहेका छन्।

 डब्ल्यूएचओको टोलीलाई चीनले कोरोनासम्बन्धी महत्त्वपूर्ण तथ्याङ्कु नदिएको आरोप

डब्ल्यूएचओको टोलीलाई चीनले कोरोनासम्बन्धी महत्त्वपूर्ण तथ्याङ्कु नदिएको आरोप

  दाङ, फागुन २ । कोभिड–१९ (कोरोना भाइरस) को उत्पत्तिबारे चीनमा अध्ययन गरिरहेको विश्व स्वास्थ्य सङ्गठनको टोली (डब्ल्यूएचओ) लाई चीनले महत्त्वपूर्ण तथ्याङ्क दिन अस्वीकार गरेको छ । कोरोनाको उद्गमस्थल मानिएको वुहानमा स्थलगत अध्ययन गरिरहेको डब्ल्यूएचओ टोलीलाई चीनले महत्त्वपूर्ण तथ्याङ्क दिन अस्वीकार गरेको बीबीसीले जनाएको छ ।

अनुसन्धान टोलीमा रहेका एक सदस्यका अनुसार अनुसन्धान टोलीले चीनसँग सन् २०१९ को डिसेम्बरमा वुहानमा पुष्टि भएका एक सय ७४ जना सङ्क्रमितको प्रारम्भिक पूर्ण तथ्याङ्क माग गरेको थियो । तर चीनले पूर्ण प्रारम्भिक तथ्याङ्कको साटो संक्षिप्त विवरण मात्रै दिएको छ । चीनले आफू डब्ल्यूएचओसँग पारदर्शी रहेको दाबी गर्दै आएको भए पनि पछिल्लो आरोपबारेमा अहिलेसम्म कुनै टिप्पणी गरेको छैन ।

तथ्याङ्क नदिएको कुरा सार्वजनिक भएपछि अमेरिकाले महामारीको प्रारम्भिक चरणको तथ्याङ्क उपलब्ध नगराउनु गम्भीर चासोको विषय भन्दै तथ्याङ्क उपलब्ध गराउन चीनलाई सुझाव दिएको छ ।

अघिल्लो हप्ता डब्ल्यूएचओको टोलीले कोरोना भाइरस प्रयोगशालाबाट चुहावट भएर मानिसमा फैलिएको सम्भावना नरहेको निष्कर्ष सार्वजनिक गरेको थियो । सन् २०१९ को अन्त्यतिर चीनको वुहानमा पहिलो पटक पुष्टि भएको कोरोना भाइरसको सङ्क्रमण पछिल्लो एक वर्षदेखि विश्वभर महामारीका रूपमा फैलिएको छ । 

अहिलेसम्म विश्वभर १० करोड ९१ लाखभन्दा धेरै जनामा कोरोना पुष्टि भएकोमा आठ करोड ११ लाखभन्दा धेरै जना निको भएको वर्ल्डोमिटरले जनाएको छ । त्यस्तै सङ्क्रमितमध्ये २४ लाखभन्दा धेरैको ज्यान गएको छ । 

विश्वव्यापी महामारीको रूप लिएको कोरोना भाइरसविरुद्ध खोप तयार भएर अहिले विश्वका धेरै देशमा खोप अभियान चलिरहेको छ । लामो लकडाउन तथा प्रतिबन्धहरू झेल्न बाध्य बनाएको कोरोना महामारीको प्रभाव अहिले सामान्य बन्दै गएको छ ।   

 ट्रम्पविरुद्धको महाअभियोग प्रस्ताव अस्वीकृत

ट्रम्पविरुद्धको महाअभियोग प्रस्ताव अस्वीकृत

  दाङ, फागुन २ । अमेरिकी सिनेटमा पूर्व राष्ट्रपति डोनाल्ड ट्रम्पविरुद्धको महाअभियोग प्रस्ताव अस्वीकृत भएको छ ।

माथिल्लो सदन सिनेटले जनवरी ६ तारिखमा संसद भवनमा भएको हिंसात्मक आक्रमणमा ट्रम्प संलग्न भएको आरोपबाट मुक्त गरेपछि उहाँ महाअभियोगबाट जोगिनु भएको बीबीसीले जनाएको छ ।

सिनेटमा ट्रम्पविरुद्धको दोस्रो पटकको महाअभियोग प्रस्तावमाथिको सुनुवाइपछि मतदान भएको थियो । तर, महाअभियोग पारित हुनका लागि चाहिने दुई तिहाइ मत जुट्न सकेन । रिपब्लिकनसहितका ५७ सिनेटरले महाअभियोगको पक्षमा मतदान गरे पनि दोषी ठहर गर्नका लागि चाहिने दुई तिहाइका लागि १० सिनेटरको मत पुगेन ।

माथिल्लो सदन सिनेटमा एक सय सदस्य रहेकोमा महाअभियोग पारित हुनका लागि दुई तिहाइ अर्थात् ६७ सदस्यको मत चाहिन्छ । गएको जनवरी ६ मा संसद भवनमा भएको हिंसात्मक आक्रमणका लागि समर्थकलाई उक्साएको आरोपमा ट्रम्पमाथि महाअभियोग लगाउन प्रस्ताव गरिएको थियो । 

ट्रम्पविरुद्ध बदलाको अभियान चलाएको वकिलहरुको आरोप

ट्रम्पविरुद्ध बदलाको अभियान चलाएको वकिलहरुको आरोप

 

  काठमाण्डौ, फागुन १ । अमेरिकी पूर्व राष्ट्रपति डोनाल्ड ट्रम्पका वकिलहरुले डेमोक्रेटिक दलले ट्रम्पविरुद्ध बदलाको अभियान चलाएको आरोप लगाएका छन् ।

पूर्व अमेरिकी राष्ट्रपति ट्रम्पविरुद्ध माथिल्लो सदन सिनेटमा चलिरहेको महाभियोगसम्बन्धी सुनुवाइका क्रममा उहाँका वकिलहरूले बदलाको अभियान चलाइएको आरोप लगाएका बीबीसीले जनाएको छ ।

सिनेटमा महाभियोग लगाउनु पर्ने कारणहरू प्रस्तुत गर्ने क्रममा डेमोक्रेटिक दलका नेताहरूले गएको जनवरी ६ मा भएको क्यापिटल भवन हमलाका भिडियो फुटेजसमेत प्रदर्शन गरेका थिए । ट्रम्पले घातक हमला गर्न समर्थकहरूलाई उक्साएको आरोपलाई खण्डन गर्दै वकिलहरूले ट्रम्पको अभिव्यक्तिलाई अमेरिकी संविधानले रक्षा गर्ने जिकिरसमेत गरेका छन् ।

तल्लो सदन प्रतिनिधिसभाले विभिन्न आरोपमा ट्रम्पमाथि महाभियोग लगाइसकेको छ । तर महाभियोग पारित गर्न सिनेटको पनि समर्थन चाहिन्छ । महाभियोग पारित गर्न सिनेटमा दुई तिहाइको बहुमत आवश्यक पर्छ । जबकी डेमोक्रेटहरूसँग केवल सामान्य बहुमत मात्र उपलब्ध छ ।


आज महाभियोग प्रस्तावमाथि मतदान हुने सम्भावना रहेको छ ।

उत्तराखण्ड हिमनदी विस्फाेट : ज्यान गुमाउनेको संख्या २६ पुग्यो, १७१ जना अझै बेपत्ता

उत्तराखण्ड हिमनदी विस्फाेट : ज्यान गुमाउनेको संख्या २६ पुग्यो, १७१ जना अझै बेपत्ता

 

काठमाडाैं, माघ २७ । भारतको उत्तराखण्डमा बाढीमा परेर ज्यान गुमाउनेकाे संख्या २६ पुगेको छ ।

अहिलेसम्म २६ जनाको शव भेटिएको भारतीय सञ्चारमाध्यमले जनाएका छन् । बाढीमा परेर अझै १७१ जना हराइरहेका छन् । यस्तै निर्माण भइरहेको सुरुङमा ३० देखि ३५ जना फसेको आशङ्कामा उद्धारको प्रयास भइरहेको उत्तराखण्डका मुख्यमन्त्री त्रिवेन्द्रसिंह रावतले बताउनुभयो ।

सुरुङलाई रातभरि खोल्ने प्रयास गरिए पनि कसैसँग पनि सम्पर्क हुन नसकेको खबरमा उल्लेख गरिएको छ । 

 प्रिमियर लिग : शीर्ष स्थानमा रहेको म्यानचेस्टर सिटीसँग लिभरपुल पराजित

प्रिमियर लिग : शीर्ष स्थानमा रहेको म्यानचेस्टर सिटीसँग लिभरपुल पराजित

  काठमाण्डौ, माघ २६ । इङ्ग्लिस प्रिमियर लिग फुटबलमा शीर्ष स्थानमा रहेको म्यानचेस्टर सिटी विजयी भएको छ ।

चौँथो स्थानमा रहेको लिभरपुललाई ४(१ गोलले पराजित गर्दै म्यानचेस्टर सिटी विजयी भएको हो । लिभरपुलको मैदानमा म्यानचेस्टर सिटीलाई जिताउन इल्के गुण्डोगानले दुई तथा रहिम स्ट्रर्लिङ र फिल फोडेनले एकरएक गोल गरे ।  जितसँगै म्यानचेस्टर सिटीको ५० अङ्क भएको छ ।

यस्तै पाँचौँ स्थानमा रहेको चेल्सीले सेफिल्ड युनाइटेडलाई २–१ गोलले पराजित गरेको छ । तेस्रो स्थानमा रहेको लिसेस्टर सिटी र उल्भर ह्याम्पटन वान्डरसबीचको खेल गोलरहित बराबरीमा सकिएको छ । गएराति नै भएको अर्को खेलमा आठौँ स्थानमा रहेको टोटनह्याम हटस्परले वेष्ट ब्रोमलाई २–० गोलले पराजित गरेको छ ।

 

बाइडेनद्वारा चीनसँगको सहकार्यलाई सबल पार्न अमेरिका तयार भएको सङ्केत

बाइडेनद्वारा चीनसँगको सहकार्यलाई सबल पार्न अमेरिका तयार भएको सङ्केत


  दाङ, माघ २५ । अमेरिकी राष्ट्रपति जो बाइडेनले विश्वका प्रमुख अर्थतन्त्रहरूबीच सहकार्य हुनु विश्वको आर्थिक वृद्धिका लागि महत्त्वपूर्ण रहेको बताउनुभएको छ ।

अमेरिकी राष्ट्रपतिमा निर्वाचित भएको एक महिनापछि विश्व कूटनीतिबारेको पहिलो सम्बोधनका क्रममा बाइडेनले चीनसँगको सहयोगलाई सबल पार्न अमेरिका तयार भएको सङ्केत गर्नुभएको हो ।

विगत चार वर्षमा अमेरिकी केही कूटनीतिज्ञले चीन(अमेरिकाका लागि ‘सबैभन्दा ठूलो खतरा’ भएको ठहर गर्दै अख्तियार गरेको विदेश नीतिका कारण चीन(अमेरिकाबीचको सम्बन्धमा थप तनाव देखिएको थियो ।

ट्रम्प प्रशासनले ल्याएको चीनविरोधी कडा धारका कारण चिनियाँ व्यवसायको विकासमा समस्या आएको समय नवनिर्वाचित नेतृत्वबाट विश्वका प्रमुख अर्थतन्त्रबीचको सहकार्यलाई दिएको महत्त्वले विश्वको अर्थतन्त्रमा समेत सुधारको आशा जगाएको छ ।

अमेरिकीहरूले गएको चार वर्षमा चीनको केन्द्रीय हित र मुख्य चासोका मामिलामा समेत हस्तक्षेप गरेका कारण दुई देश बीचको रणनीतिक विश्वासलाई गम्भीर मोडमा पुर्याएको चीनको बुझाइ रहेको छ । अमेरिकासँग शान्तिपूर्ण सह(अस्तित्व कायम राख्न चीन सधैं इच्छुक रहेको चिनियाँ अधिकारीहरूले बताएका छन् । 

 भारत : आन्दोलनरत किसान र प्रशासनलाई संयमता अपनाउन यूएनको आग्रह

भारत : आन्दोलनरत किसान र प्रशासनलाई संयमता अपनाउन यूएनको आग्रह

दाङ, माघ २४ । संयुक्त राष्ट्रको मानवअधिकार संस्था यूएनले भारतमा भइरहेको किसान आन्दोलनमा प्रशासन र प्रदर्शनकारी दुवैलाई संयमता अपनाउन आग्रह गरेको छ । 

यूएनले पहिलो पटक किसान आन्दोलनप्रति ध्यानाकर्षण गर्दै शान्तिपूर्ण तरिकाले मानवअधिकारको संरक्षण गदै उत्पन्न समस्याको समाधान गर्न आग्रह गरेको हो । 

संयुक्त राष्ट्रले भारतमा पछिल्लो दुई महिनादेखि भइरहेको किसान आन्दोलनबारे प्रतिक्रिया जनाएको यो पहिलो पटक हो । यसअघि पर्यावरण कार्यकर्ता ग्रेटा थनबर्ग, चर्चित पप गायिका रिहानाले पनि किसान आन्दोलनको समर्थनमा ट्वीट गरेका थिए ।

भारत सरकारले किसान आन्दोलनको मुद्दामा अन्तर्राष्ट्रिय हस्तीहरुको तर्फबाट गरिएको ट्वीटपछि कसैको पनि नाम नलिइकन टिप्पणी गरेको थियो । भारत सरकारले नयाँ तीन वटा कानुन ल्याएको र ती कानुन व्यापारीको फाइदामा रहेको भन्दै भारतका किसानहरू लामो समयदेखि आन्दोलनमा लागेका छन् ।  

म्यानमारमा सेनाको कूु विरुद्ध भइरहेको प्रदर्शनमा शिक्षक र विद्यार्थी पनि सहभागी

म्यानमारमा सेनाको कूु विरुद्ध भइरहेको प्रदर्शनमा शिक्षक र विद्यार्थी पनि सहभागी

 

  काठमाण्डौ, माघ २४ । म्यानमारमा  सेनाको  कूु विरुद्ध भइरहेको प्रदर्शनमा शिक्षक र विद्यार्थी पनि सहभागी हुन थालेका छन् ।  

आम नागरिकहरु प्रदर्शनमा निस्किएपछि शिक्षक र विद्यार्थी पनि प्रदर्शनमा सहभागी हुन थालेका बीबीसीले जनाएको छ । म्यानमारको ठूलो सहर यांगुनको एक विश्वविद्यालयमा प्रदर्शनकारीहरुले जेलमा थुनिएका आङ सान सुकीसहितका नेताको रिहाइको माग गरेका छन् ।

प्रदर्शनमा लागेकाले आफ्नो कपडामा रातो रिबन लगाएका थिए रातो रंग सुकीको पार्टीको रंग हो । सय्यौँ विद्यार्थी तथा शिक्षकहरु यांगुनको विश्वविद्यालय बाहिर जम्मा भएर विरोध प्रदर्शन गरेका खबरमा जनाइएको छ ।  उनीहरुले सुकीको समर्थनमा नाराबाजी गरेका थिए ।

सैन्य कूुपछि नेतृ सुकीसहित अन्य नेताहरु हिरासतमा छन् । गएको सोमवार बिहान सेनाले नेतृ आङ सान सुकीसहितलाई गिरफ्तार गरेर सत्ता हातमा लिएको हो । सेनाले देशमा एक वर्षका लागि सङ्कटकाल लागू गरेको छ ।

विश्व समुदायले म्यानमारमा भएको सैन्य कूु को विरोध गरेको छ । म्यानमारभित्रै पनि नागरिक तथा पेशाकर्मीहरुले विरोध गरिरहेका छन् । सर्वसाधारणले भाँडा बजाएर विरोध गरेका छन् भने स्वास्थ्यकर्मीले काम बन्द गरेर विरोध गरिरहेका छन् ।

गएको नोभेम्बर ८ मा भएको चुनावमा सुकीको पार्टी अत्याधिक बहुमत ल्याएर विजयी भएको थियो । 

  

 आङ सान सू चीलाई उनकै घरमा नजरबन्दमा राखिएको छ  : एनएलडी

आङ सान सू चीलाई उनकै घरमा नजरबन्दमा राखिएको छ : एनएलडी

  काठमाण्डौ, माघ २३ । म्यानमारकी नेतृ आङ सान सू चीलाई उनकै घरमा नजरबन्दमा राखिएको म्यानमारको ‘नेशनल लिग फर डेमोक्रेसी (एनएलडी)’ ले पुष्टि गरेको छ । सेनाले सत्ता कब्जा गरेपछि सू चीलाई कहाँ राखिएको छ भन्नेबारे विभिन्न अनुमान भइरहेका बेला एनएलडीले आफ्ना अध्यक्ष सू चीलाई उनकै घरमा राखेको जानकारी दिएको समाचार संस्था एएफपीले जनाएको छ ।

सू चीका सञ्चार अधिकृत क्यी टोयले नेतृ सुकीलाई उनकै घरमा नजरबन्दमा राखिएको छ र उनको स्वास्थ्य राम्रो रहेको जानकारी दिएको खबरमा उल्लेख छ ।

यसैबीच संयुक्त राष्ट्र सङ्घ ९यूएन० को सुरक्षा परिषद्ले म्यानमारकी प्रजातन्त्रवादी नेतृ आङ सान सू चीलगायत पक्राउ परेका सबैलाई तत्काल रिहा गर्न भनेको छ । परिषद्ले विज्ञप्ति निकालेर सबै सदस्य राष्ट्रहरूले म्यानमारमा घोषणा गरिएको सङ्कटकाल र सू ची लगायत नेताहरूलाई पक्राउ गरिएको घटनामा गहिरो चासो व्यक्त गरेको भन्दै तत्काल रिहा गर्न भनेको हो । 

परिषद्की अध्यक्ष बार्बरा वुडवार्डले निकालेको विज्ञपप्तमा सुरक्षा परिषद्का सदस्यहरूले म्यानमारको प्रजातान्त्रिक प्रक्रियाको निरन्तरतामा जोड दिएका उल्लेख छ । यसअघि गएको मङ्गलबार बसेको सुरक्षा परिषद्को बैठकले म्यानमारमा भएको सैनिक ‘कू’ को विरोध गर्दै निकाल्न लागेको वक्तव्य चीनले नमानेपछि रोकिएको थियो ।

सुरक्षा परिषद्को विज्ञप्तिमा प्रजातान्त्रिक संस्था र प्रक्रियाहरू पालना, हिंसा हुन नदिने, मानव अधिकारको पूर्णरूपमा सम्मान गर्ने, स्वतन्त्रता र कानुनको शासनको आवश्यकतामा जोड दिइएको छ ।    

 इङ्ग्लिस प्रिमियर लिगमा चेल्सीसँग टोटनह्याम पराजित

इङ्ग्लिस प्रिमियर लिगमा चेल्सीसँग टोटनह्याम पराजित

  दाङ, माघ २३ । इङ्ग्लिस प्रिमियर लिग फुटबलमा चेल्सी विजयी भएको छ । गएराति भएको खेलमा चेल्सीले टोटनह्यामलाई १–० गोल अन्तरले पराजित गरेको हो ।

चेल्सीलाई जिताउन खेलको २४ औँ मिनेटमा जोर्गिन्होले पेनाल्टीमार्फत गरेको गोल नै निर्णायक बन्यो । जितपछि चेल्सी अंक तालिकाको छैठौं स्थानमा उक्लिएको छ ।

पराजित टोटनह्याम आठौं स्थानमा धकेलिएको छ । चेल्सीले २२ खेलबाट ३६ अंक जोडेको छ भने टोटनह्यामको २१ खेलमा ३३ अंक छ ।