राप्तीमा लगत संकलन ईकाईको कार्यालय उद्घाटन

 

तिर्थराज ज्ञवाली
दाङ, फागुन १३ । दाङको राप्ती गाउँपालिमा भूमि सम्बन्धी समस्या समाधान आयोगको लगत संकलन ईकाई कार्यालयको उद्घाटन गरिएको छ । भूमिहीन दलित, भूमिहीन सुकुमबासी, अव्यवस्थित बसोबासीलाई लालपूर्जा (जग्गाधानी पूर्जा) दिन लगत संकलनको लागि ईकाईको कार्यालय उद्घाटन गरिएको हो ।

लुम्बिनी प्रदेशकी भूमि ब्यवस्था, कृषि तथा सहकारी मन्त्री आरती पौडेलले मसुरीयामा बिहीबार कार्यालयको उद्घाटन गर्नु भएको हो । राप्ती गाउँपालिका अध्यक्ष नुमानन्द सुबेदीको अध्यक्षता, मन्त्री पौडेलको प्रमुख आतिथ्यतामा कार्यक्रम भएको थियो।

भूमिहीन दलितलाई जग्गा उपलब्ध गराउने, मुक्त कमैया, कमलरी, हरुवा चरुवा, हलिया, भूमिहीन, सुकुमबासी पहिचान गरि बसोबासकालागि घर घडेरी तथा जीविकोपार्जनकालागि कृषियोग्य जमिन वा रोजगारीको व्यवस्था गर्नुपर्ने संवैधानिक व्यवस्था रहेको छ ।


SHARE THIS