धनगढीमा प्रधानमन्त्रीको स्वागतमा भव्य तयारी [फोटो फिचर]

 


काठमाडाैं, पुस २४ । प्रधानमन्त्री केपी शर्मा ओली आज (शुक्रबार) धनगढी आउने भएका छन् । पार्टी विभाजनपछि प्रधानमन्त्री ओली पहिलो पटक उपत्यका बाहिरको जनसभालाई सम्बोधन गर्न आउन लागेका हुन् । 

प्रधानमन्त्रीको स्वागतका लागि धनगढीमा भव्य तयारी गरिएको छ । प्रधानमन्त्रीको कार्यक्रमलाई बाधा व्यवधान नहोस् भन्ने हेतुले धनगढीमा सुरक्षा व्यवस्था कडा पारिएको छ । 

स्थानीय प्रशासनको निर्देशनअनुसार ‘हाई अलर्ट’मा रहेका नेपाल प्रहरी, सशस्त्र प्रहरी र नेपाली सेनाले सम्भावित घटनालाई ध्यानमा राखेर कडाइ गरेको जनाएको छ। सुरक्षाका लागि तालिम प्राप्त कुकुरको प्रयोग गरिएको छ ।

जनसभास्थल र प्रधानमन्त्री आवातजावत हुने सडकमा कालो झण्डा, कालो ब्यानर बोक्न र कालो मास्कसमेत लगाउन पाइने छैन ।


SHARE THIS