बिहीवार थप ४ सय १२ जनामा कोरोना संक्रमण, ४ संक्रमितको मृत्यु

 

काठमाडाैं, पुस २३ । पछिल्लो २४ घन्टामा थप ४ सय १२ जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयले बिहीवार थप ४ सय १२ जनामा कोरोना संक्रमण पाइएको जनाएको हो । 

यससँगै मुलुकभर कोरोना संक्रमितको संख्या २ लाख ६३ हजार ६ सय ५ पुगेको छ । 

मन्त्रालयका अनुसार, बिहीवार ४ सय ८३ जना संक्रमित भाइरसमुक्त भएका छन् भने ४ संक्रमितको मृत्यु भएको छ ।

बिहीवारसम्ममा सक्रिय संक्रमितको संख्या ५ हजार ५८ जना रहेको मन्त्रालयले जनाएको छ । 

हालसम्म २ लाख ५६ हजार ६ सय ४४ जना कोरोना संक्रमण मुक्त भएका छन् । 

यस्तै १ हजार ९ सय ३ जना कोरोना संक्रमितको मृत्यु भएको छ ।


SHARE THIS