काठमाडौं, मंसिर २३ । मोरङमा आज बिहान शिक्षकको अपहरणपछि गोली हानी हत्या भएको छ । प्रहरी र आफन्तले हत्यामा प्रतिबन्धित विप्लव समूहको संलग्नताको आशंका गरेका छन् ।  प्रहरीले पनि आफन्तको भनाइका आधारमा हत्या विप्लव समूहले नै गरेको आशंका गरेको छ । तर अनुसन्धानबाट थप पुष्टि हुने प्रहरी अधिकारीहरूले जनाएका छन् ।

मोरङमा शिक्षकको अपहरणपछि गोली हानी हत्या, विप्लव समूहमाथि आशंका

जिल्ला प्रहरी कार्यालय मोरङका एसपी सन्तोष खड्काका अनुसार मिक्लाजुङ गाउँपालिका १ बर्खेका ५४ वर्षीय शिक्षक राजेन्द्र श्रेष्ठको मंगलबार बिहान गोली हानी हत्या भएको हो । श्रेष्ठ स्थानीय सरस्वती आधारभूत स्कुलका प्रधानाध्यापक रहेका थिए । बिहान सवा ६ बजेतिर चार–पाँच जनाको संख्यामा आएको समूहले श्रेष्ठलाई घरबाटै अपहरण गरेर लगेको थियो । 

३० मिनेट टाढा जंगलमा लगेर हत्या गरेको एसपी खड्काले बताए । एकजना उच्च प्रहरी अधिकारीका अनुसार विप्लव समूहविरुद्ध सुरक्षाकर्मीलाई सूचना दिएको भन्दै श्रेष्ठको अपहरणपछि हत्या भएको पारिवारिक भनाइ छ ।

विप्लव समूहको नामबाट आफूहरुले नै हत्या गरेको पारिवारिक सदस्यलाई जानकारी गराएको अपुष्ट खबर समेत प्रहरीसम्म पुगेको छ । 

ती उच्च अधिकारीले भने,“२०–२५ दिनअघि प्रहरीले मिक्लाजुङ गाउँपालिका १ बर्खेमा विप्लव समूहविरुद्ध सर्च अपरेसन चलाएको थियो । सो क्रममा केही पक्राउसमेत परेका थिए । विप्लव समूहले शिक्षक राजेन्द्र श्रेष्ठलाई आफ्नो समूहविरुद्ध सुराकी गरेको भन्दै हत्या गरेका हुन सक्छन् । प्रारम्भीक रुपमा हेर्दा घटनामा अरुको संलग्नता हुन सक्ने सम्भावना कम छ ।”

मिक्लाजुङ गाउँपालिका १ बर्खे पहाडी इलाका हो । सो क्षेत्रमा लामो समयदेखि विप्लव समूहले आफ्ना गतिविधि गर्दै आएको सूचना प्रहरीसँग थियो ।  प्रहरी टोली घटनास्थल अझै पुगिसकेको छैन । स्थानीय जनप्रतिनिधिले शिक्षक श्रेष्ठको गोली हानी हत्या भएको प्रहरीलाई जानकारी गराएका थिए । 

 

Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment: