देउखुरीकाे भालुवाङ -लमही सडक खण्ड_ काे पाखापानीमा सडककाे बीचमै केराकाे खम्बा गाडिएपछि..

 तत्काल सडक मर्मत गर्न स्थानीय युवाहरूको माग


सन्तोषकुमार गुप्ता

भालुवाङ, असोज ९ । स्थानीयले सडकको दुरदशाबारे ध्यानाकर्षण गराउन बीच सडकमै केराको खम्बा गाँडेका छन् । 

पूर्व–पश्चिम राजमार्ग अन्तर्गत भालुवाङ – लमही सडक खण्डमा सडकैभर खाडल परेपछि राप्ती गाउँपालिका वडा नम्बर १ पाखापानीका स्थानीय युवाहरुले पाखापानी स्थित पवित्रा पेट्रोल पम्प नजिक बीच सकडमै दुई वटा केराको खम्बा गाँडेका हुन् । नियमित वर्षाका कारण सडकका खाडलमा पानी भरिएपछि दुर्घटनाको जोखिम बढेको, हिँड्डुल गर्न समस्या भएको स्थानीयले गणेश शर्माले बताएका छन् । 

भैंसी आहाल बस्ने जस्ता खाडलहरु सडकैभरी छन् । तर सडक मर्मत गर्ने कुरामा कसैले ध्यान नदिदा सडक विभागको ध्यान केन्द्रित गर्न बीच सडकमै केराको खम्बा गाँडेको शर्माले बताए । सडकै भरि ठूला ठूला खाडल परेका कारण सवारी दुर्घटना बढेको, धेरैले अकालमा ज्यान गुमाउनु परेको, पैदल यात्रु, साइकल चलाउनेलाई यात्रा गर्न कठिन भएको उनले बताए । मुख्य मन्त्रीको जिल्लामै कसैले ध्यान नदिएपछि सबैको ध्यानाकर्षण गराउन केराका खम्बा बीच सडकमै गाडीएकोे उनले बताए । 

सडकका खाडल पुर्न सम्बन्धित निकायले कुनै चासो नदिएको हुँदा सडक विभाग र राजमार्ग भएर ओहोर दोहोर गर्ने मन्त्री तथा राजनीतिक दलहरुको ध्यान केन्द्रित गर्न स्थानीयले सडकमा केराको बोट गाडेको उनले जानकारी दिए । लमही र भालुवाङ बीचको सडकमा अत्याधिक खाल्डाखाल्डी छ । ती खाडलमा बर्षामा पानी जम्मा हुन्छ र सडक क्षमता भन्दा बढी भार बोकेका सवारीले झनै बिगार्ने भएकाले दुर्घटनाको जोखिम बढेको छ ।


SHARE THIS