पर्सा र बारामा थप ६४ जनामा कोरोना संक्रमण पुष्टि

पर्सा र बाराका थप ६४ जनामा कोरोना पुष्टि « Khabarhub

वीरगञ्ज, भदौ १७ । वीरगञ्जमा गरिएको परीक्षणमा थप ६४ जनामा कोरोना संक्रमण पुष्टि भएको छ । नारायणी अस्पतालको पीसीआर प्रयोगशालामा गरिएको परीक्षणमा उनीहरुमा कोरोना संक्रमण पुष्टि भएको हो ।

प्रयोगशालामा ४ सय ९० जनाको पीसीआर परीक्षण गर्दा ६४ जनामा कोरोना संक्रमण पुष्टि भएको नारायणी अस्पतालका प्रवक्ता एवम् वरिष्ठ चर्मरोग विशेषज्ञ डाक्टर अतुलेश कुमार चौरसियाले जानकारी दिए । ५ देखि ७० वर्ष उमेर समूहका संक्रमितमध्ये ३६ जना महिला छन् ।

पर्साका १३ र बाराका ५० जना संक्रमित छन् । गण्डक अस्पतालबाट पठाइएको एउटा स्वाब नमुनाको पीसीआर परीक्षण रिपोर्ट पनि पोजेटिभ आएको डाक्टर चौरसियाले बताए । वीरगञ्ज वडा नं. ४ मा २ जना, वडा नं. १२ र १८ मा १÷१ जना, बहुदरमाई नगरपालिकाको वडा नं. ४ मा ५ जना, वडा नं. ५ मा १ जना र वडा नं. ६ मा २ जनामा कोरोना देखिएको छ ।

बाराको कलैया उपमहानगरपालिका वडा नं. १ का ५ जना, वडा नं. ७ का ५ जना, वडा नं. २३ का ३ जना, वडा नं. २ मा ६ जना, वडा नं. ४ मा ६ जना, वडा नं. ३, ६, ८, ९ र २१ मा १÷१ जना, वडा नं. २० मा ४ जना र वडा नं. ५ मा ७ जनामा कोरोना देखिएको छ । संक्रमित ३ जनाको ठेगाना पहिचान हुन सकेको छैन ।

यसअघि पर्सामा ४ सय ९३ जना महिलासहित २ हजार २ सय ११ जनामा संक्रमण पुष्टि भइसकेको छ ।


SHARE THIS