नेयमारलाई दुई खेलको प्रतिबन्ध



एजेन्सी । ब्राजिलियन स्टार स्ट्राइकर नेयमारलाई फ्रेन्च लिग वानमा दुई खेलमा प्रतिबन्ध लगाइएको छ ।

मार्सिलेसँगको खेलमा १/० गोलको हार व्यहोर्दा रातो कार्ड खाँदै मैदानबाट बाहिरिएका नेयरमालाई आयोजकले दुई खेलमा प्रतिबन्ध लगाएको हो ।

मार्सिलेविरुद्धको खेलमा नेयमारले विपक्षी टोलीका खेलाडी अल्भारो गोन्जालेजको टाउकोमा पछाडिबाट हानेपछि उनलाई रेफ्रीले भीआरको सहायतामा रातो कार्ड दिएका थिए । 

मैदान बाहिरिँदा नेयमारले अल्भारोबाट जातीय दुर्व्यवहारको सिकार भए भएको आरोप लगाएका थिए । तर, अल्भारोले उक्त आरोप अस्वीकार गरेका छन् । लिगको अनुशासनात्मक न्यायाधिकरणले बुधबार रिपोर्ट सार्वजनिक गर्दै नेयमारलाई दुई खेलको प्रतिबन्ध सुनाएको छ । 

लेभिन कुर्जावालाई ६ खेलको प्रतिबन्ध लगाएको छ । त्यस्तै लिआन्ड्रो परेडेसलाई पनि दुई खेलको प्रतिबन्ध लगाएको छ । डारियो बेनेडेटोलाई एक खेलमा निलम्बन गरेको छ । 

नेयमारले प्रतिबन्धको एक खेल गुमाइसकेका छन् । बुधबार राति माट्जसँग १/० को जित निकालेको खेल नेयमारले गुमाएका थिए । उनले अब आइतबार नाइससँग हुने खेल पनि गुमाउनेछन् । 


SHARE THIS