अष्ट्रेलियाबाट आज दोस्रो ‘उद्धार’ उडान, मेलबर्नबाट फर्किँदै २२० नेपाली

Plane travel: Why do you have to keep blinds up on take-off and ...

सिड्नी, असार १३  । अष्ट्रेलियाबाट आज दोस्रो ‘उद्धार’ उडान हुँदैछ । भिक्टोरियाका लागि नेपाली महावाणिज्यदूत चन्द्र योन्जनले मेलवर्नबाट २२० जना नेपाली यात्रुहरु शनिबार काठमाडौं फर्किन लागेको जानकारी दिए ।

यसअघि यही असार ९ गते अष्ट्रेलियाको सिड्नीबाट २५९ जना नेपालीहरुलाई काठमाडौं ल्याइएको थियो । पहिलो उडानमा जस्तै अहिले पनि अष्ट्रेलियामा आफ्ना आफ्न्त भेट्न र घुम्न आएका पर्यटकहरु नेपाल फर्काइँदैछ  । चार महिना लामो लकडाउनका कारण उनीहरु यतै रोकिएका थिए ।

नेपालबाट ५ बच्चासहित ४५ जनालाई लिएर आएको नेपाल एयरलाइन्सको हवाई जहाजबाट उनीहरु स्वदेश फर्किन लागेका हुन् । हवाई जहाजमा क्याप्टेन विजय लामासहितको टोली छ ।

मेलबर्न एयरपोर्टमा नेपाल एयरलाइन्सको जहाज
नेपाल फर्किन लागेकाहरुलाई गैरआवासीय नेपाली संघ ९एनआरएनए० अष्ट्रेलियाले विमानस्थलमा सहयोग गरेको छ । विमानस्थलभन्दा टाढाबाट आएकाहरुलाई शुक्रबार साँझ एनआरएनएले स्वयंसेवी ढंगले खाने–बस्ने व्यवस्था मिलाएको छ ।

साथै शनिबार बिहान पनि ती यात्रुहरुलाई ब्रेकफास्ट र उपहारको व्यवस्था मिलाइएको एनआरएनए अष्ट्रेलियाका अध्यक्ष केशव कँडेलले जानकारी दिए । अष्ट्रेलियामा कार्यरत नेपाली चिकित्सक र स्वास्थ्यकर्मीहरुले पनि नेपाल फर्किन लागेका नेपालीहरुलाई सहयोग गरिरहेका छन् ।
No description available.



SHARE THIS