मतदाता फकाउने हुकुमको तरिका

मतदाता फकाउने हुकुमको तरिका


दाङ, १३ कार्तिक ।
आगामी मंसिर ४ गते हुन लागेको प्रदेशसभा र प्रतिनीधिसभाका उम्मेदवारहरुले मतदातालाई आफ्नो पक्ष पार्न थालेका छन् । उम्मेदवारहरुले मतदाताको घरदैलोमा पुगेर परम्परागत रुपमा भोट माग्ने शैलीलाई बदल्न थालेका हुन् । 

चुनाबी सभा, कोणसभा तथा घरदैलो गर्ने गरेका उम्मेदवारहरुले भोट माग्नका लागि नयाँ शैली अपनाउन थालेका छन् । प्रतिनीधि र प्रदेशसभा सदस्यका लागि असोज २३ गते उम्मेदवारी दिएका उनीहरुले मतदातालाई फकाउन थालेका हुन् । 


यसैक्रममा नेकपा एमालेका तर्फबाट दाङ निर्बाचन क्षेत्र नम्बर ३ (२) बाट उम्मेदवार बन्नु भएका हुकुम बस्नेतले आइतबार तुलसीपुर २ सुन्डबरीमा धान काटेर भोट माग्नुभएको छ । उहाँले तुलसीपुर २ कुइरेपानी निबासी पुर्णबहादुर चौधरीले धान खेती गर्नुभएको खेतमा धान काटेर भोट माग्नुभएको हो । 

चौधरीको खेतसंगै रहेको मोहनलाल गिरीको खेतमा पनि उम्मेदवार बस्नेतले धान काटेर भोट माग्नुभएको थियो । उहाँहरुले धान काटेपछि किसान दंग भएका थिए । हामी पनि किसानका छोराहरु हौँ धान काट्न हामीलाई पनि आउँछ तपाईहरु ढुक्क हुनुस हामीलाई सुर्यमा भोट दिएर जिताउनुस, बस्नेतले भन्नुभयो । 

नेकपा एमालेले कार्तिक १ गतेदेखि दंगीशरण २ बाट घरदैलो अभियान सुरु गरेको थियो । अभियानका क्रममा नेकपा एमालेको टोली आइतबार तुलसीपुर २ मा पुगेको थियो । नेकपा एमालेका तर्फबाट निर्बाचन क्षेत्र नम्बर ३ (२) मा जिल्ला अध्यक्ष समेत रहनुभएका हुकुम बस्नेत प्रदेशसभाका उम्मेदवार हुनुभएको छ ।  

 आज काग तिहार : कागलाई मीठा चीजबीज खान दिएर मनाइँदै

आज काग तिहार : कागलाई मीठा चीजबीज खान दिएर मनाइँदै

दाङ, कात्तिक ६ । आज कार्तिक कृष्ण त्रयोदशी अर्थात् कागतिहार । बिहानैदेखि यमराजको दूतका रुपमा कागलाई मीठा चीजबीज खान दिएर यो पर्व मनाइँदै छ ।

यमराजले लोकको खबर कागका माध्यमबाट थाहा पाउने भएकाले कागलाई यमदूतका रुपमा मान्ने शास्त्रीय विधान छ । कागले यमराजसमक्ष राम्रो खबर लगिदियोस् भनेर आजका दिन कागलाई मीठो–मीठो खान दिइ खुसी पार्ने गरिएको हो । लोक व्यवहारमा काग घरमा आएर कराएमा शुभ बोल भन्ने प्रचलनसमेत छ ।

काग घरवरपर आएर कराएमा उसले केही खबर लिएर आएको विश्वास समेत गर्ने गरिन्छ । आज काठमाण्डौको कागेश्वरी मनोहरा नगरपालिकामा रहेको कागेश्वरी महादेव मन्दिरमा विशेष पूजा हुने गर्छ । यसैगरी हनुमानढोकामा रहेको कागेश्वरी मन्दिरमा पनि कागको विशेष पूजाआराधना गरिन्छ।

 युवा उम्मेदवारको सङ्ख्या पहिलेभन्दा कम

युवा उम्मेदवारको सङ्ख्या पहिलेभन्दा कम

  काठमाण्डौ, असोज २९ । चुनावमा धेरै मतदाताले युवा उम्मेदवारलाई प्राथमिकता दिन आवाज उठाउँदै आए पनि मुख्य दलहरुले यसको बेवास्ता गरेका छन् । ठूला पार्टीहरुबाट युवा उम्मेदवारको सङ्ख्या कम छ । स्वतन्त्रबाट भने धेरै युवाले उम्मेदवारी दिएका छन् ।

निर्वाचन आयोगको विवरणअनुसार एमाले, कांग्रेस, माओवादी, एकीकृत समाजवादी, जसपा र लोसपाबाट उम्मेदवार बन्ने युवाको सङ्ख्या ४६ मात्रै छ । ४० वर्ष उमेरसम्मका उम्मेदवारमध्ये एमालेबाट सात, माओवादीबाट ६, कांग्रेसबाट तीन तथा जसपा र लोसपाबाट १५र१५ जना छन् ।

एकीकृत समाजवादीबाट ४० वर्षमुनिका युवा उम्मेदवार नै छैनन् । प्रतिनिधि सभा र र प्रदेश सभा चुनावका लागि देशभर ५ हजार ६ सयभन्दा धेरै उम्मेदवार रहेकोमा ४१ देखि ५० वर्ष उमेर समूहका बढी छन् ।

मुख्य दलहरुले आकाङ्क्षी युवालाई टिकटमा वञ्चित गर्दा यसअघिको चुनावमा भन्दा कम युवाको उम्मेदवारी परेको छ । ४० वर्षसम्म उमेर समूहका ३० प्रतिशत हाराहारीमा मात्रै युवा उम्मेदवार छन् । यसअघि २०७४ को संसदीय चुनावमा ३५ प्रतिशत र गएको पालिका चुनावमा ४१ प्रतिशत युवा उम्मेदवार थिए ।

महिला उम्मेदवारको सङ्ख्या झन् कम छ । प्रतिनिधि सभाको प्रत्यक्षतर्फ ९ प्रतिशतको हाराहारीमा मात्र महिला उम्मेदवारी परेको छ । एमालेले १२, माओवादीले ८, कांग्रेसले ६, राप्रपाले ८, जसपाले ७, लोसपाले ३ र एकीकृत समाजवादीले १ जना महिलालाई मात्र टिकट दिएका छन् । स्वतन्त्र उम्मेदवारी दिने महिलाको सङ्ख्या ८५ छ ।